戀講嘢︱港女貼錢200萬包養男友 「棚牙」太古怪被網友恥笑

「貼錢手法」層出不窮 豪花200萬倒貼

Coco未出場在屏風後已經語出驚人，指曾經有過4-5位男朋友，每位都以不同手法「貼錢」：「有啲話要換債就幫佢換債，有啲係中意名牌就買畀佢。」Coco亦指為了過去大概為每位男友花40-50萬倒貼，多年來總共花了200萬！193聽到數目後都非常震驚！

16歲為包養男友 去私竇陪男人飲酒

Coco憶述16歲時遇上第一任男友，當時對方23歲，對方聲稱因為被別人盜用名義去財務公司貸款而以欠下25萬債款。雖然當時二人只認識一個月，但Coco卻毅然選擇為對方還錢。當時年紀輕輕的Coco選擇到私竇陪伴男性喝酒，男方就表面扮心痛，但轉個頭就催Coco返工賺錢：「佢表示內疚，但我覺得佢冇。佢有好好講嘅，會叫我唔好做，但最後都係話自己要錢。有一次我準備緊返工，佢就好似催我返工咁，我嗰陣就極sad，我覺得佢好似推緊我入火坑。」Coco更指在與第一任男友拍拖一年半內，就已經在對方身上花了30至40萬。

其中一任偷食13次 偷初夜玩到血濺床單

講到最誇張的一任男友，Coco就指其中一任男友曾經偷食13次，她在回家時發現滿床都是血，全因男方奪了出軌對象的初夜，搞到血濺床單：「佢阿嫲仲鬧我，你係女仔你唔知自己幾時月經，搞到成床都係血。我諗緊都唔係我，我都食埋隻死貓，但係都冇提出分手。我嗰陣一見到攤血，我就即刻行返出廳，佢就跟出嚟就跪低。」

曾「捉姦在床」即場叫男方二選一

誇張的事例越講越多，Coco坦言曾經有一任男友試過被她「捉姦在床」，她指：「呢個係條女直情仲係佢隔離，我問佢話你揀我定揀佢，佢嗰一刻第一下仲係揀我。我就同佢講『你叫佢走啦，我去廁所喇！』點知我去完廁所，佢突然反口話揀條女，條女仲要好開心咁坐喺張床到玩電話、梳頭。」Coco即場就要求男方交出拍拖期間收過的禮物，包括遊戲機、電腦、名牌衫等，最後男方不捨名牌靚波鞋，所以決定棄小三，選擇同Coco一起。

因「整牙」醒覺學精 變美後多仔溝

Coco在節目尾聲指其實本身非常節儉，最大的開支都只係整牙。Coco表示發現整牙之後變靚，身邊就多男士主動追求自己，根本不需要再主動出擊識男仔，從此終於找到自己的價值：「咁我仲點解要做下把位？將自己抬高返，我宜家終於識喇！投資係對方身上係冇用，佢哋唔識知足，係無底深潭！」

網民卻發文嘲：「點解上排牙冇牙罅嘅」

節目播出後，卻又不少網民放錯重點，將焦點放在Coco「棚牙」上：「Sorry~我又錯X哂focus 點解上排牙冇牙罅嘅？咁咪實食冇黐牙囉！？ #牙線byebye」其他網民亦都紛紛留言指：「整完排牙啲仔自己飛埋去，之後實食冇黐牙，呢個故事好勵志」、「見到排牙即轉台」、「咁先口密」等。不過亦有網民指Coco應該係帶緊透明牙套，所以先會顯得「冇牙罅」。

一齊睇部分精華片段：

Coco分享被前任出軌的經驗！