愛美麗狂想曲│蝦頭床上激戰曹永廉 被指為人保守唔肯脫
廣告
曹永廉與蝦頭楊詩敏在《愛美麗狂想曲》中由好友變成炮友,第11集酒後亂性發生關係,唔好睇蝦頭平時大癲大肺,外表好open,拍攝床戲時原來好怕醜,連衫都唔想除,好彩曹永廉經驗老到,帶住蝦頭入戲,事後曹永廉大爆蝦頭鬼死咁保守,真係人不可以貌相!
撰文:東方新地 圖片:無綫電視截圖


蝦頭被指表裡不一
蝦頭與曹永廉在《愛美麗狂想曲》中都是玩家,男的閱女無數,女的食仔無數,不過最後竟走在一起。平時大情大性好似好open的蝦頭,在拍攝多場床戲後,卻被曹永廉大爆其實內裡好密實。



蝦頭床戲無睇頭
蝦頭與曹永廉於劇中名副其實的「臭味相投」,一對玩家撻着成日去開房、分手又復合,情路迂迴。其中一場戲講述蝦頭「禁慾」多時,一心搵曹永廉訴苦,點知二人借醉撩起慾火,拍攝時曹永廉被蝦頭伸手入浴衣狂摷,不過全部都是意識上大膽,真正埋身鏡頭唔太多,曹永廉接受東張西望訪問時說:「同蝦頭合作可以去到好盡,大家專業都知點做,唔擔心畀佢話揩油!」





曹永廉劇透有艷福
曹永廉在劇中飾演的花花公子蘇澤基一角近乎渣男,蝦頭則經常玩弄男伴於股掌之中,不過二人發生關係後雙雙沉船。早前曹永廉更劇透說:「我同朱朱(朱智賢)由鬥氣到拍拖,後嚟因為蝦頭發生咗啲事,我好緊張,朱朱就主動叫我返去照顧佢。」講到周旋兩女之中艷福不淺,曹永廉笑指冬天攬蝦頭多肉會暖一些,朱智賢就四季都差不多。


將來還有什麼演唱會值得留意?
有不少歌手宣布舉辦演唱會,小編為你整合了香港演唱會2025一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!
資料或影片來源:原文刊於東方新地