愛回家 | 鍾志光猛料學霸擁雙碩士 Rap入大四喜 黎彼得拍ViuTV提無綫發火

想專注做體育 網民感不值

鍾志光TVB處境劇《愛回家》中飾演初戀cafe的老闆「佳叔」一角而順利入屋，不過他並非演員出身，而是不少波友都熟悉的體育評述員，日前他接受《香港演藝人協會》訪問時就表達出他對於自己的角色成功入屋的看法。

訪問中他指出自己因為「佳叔」一角而獲得知名度一事不感到高興，反而感到可惜：「我做咗《愛回家之開心速遞》，我做咗佳叔，出到去個個都叫我佳叔，喺我一直專注做體育嚟講，我覺得好可惜，到今日為止，我仍然覺得體育先係我舞台。有網民替他感不值：「鍾志光昔日拍檔Keyman去咗卡塔爾現場睇世界盃，佢仲就喺無綫拍《愛回家》。」

樣樣精 現實更是學霸

鍾志光在足球評述員朱榮漢的介紹下進入商台負責體育節目及進行現場評述，後來又轉到無綫電視擔任體育評述員。此外他更會客串電台節目和電視劇，例如《十八樓C座》、《古靈精探》等，也因此被發掘出演戲天賦，因此不時會客串演出。

因為演技好加上身為足球評述員需具備一定知識和口才，鍾志光被封為「萬能鍾」。但其實現實中的他更是擁有香港大學中國語言及文學碩士以及香港中文大學哲學文學碩士兩個碩士，而且更是以半工讀形式完成課程，真的名符其實的「萬能鍾」。

鍾志光轉行做Rap友

今屆世界盃進行得如火如荼，但60歲的鍾志光就冇得一展所長，苦冇講波機會，不過原來他有另一強項，日前他在《愛回家之開心速遞》戴上cap帽太陽眼鏡現身，以前衛造型即場Rap菜價，相當搞笑。鍾志光還謙虛地在自己facebook表示：「今集有冇睇？能夠加入大四喜是我的光榮，多謝四位前輩劉丹、羅樂林、陳榮峻、黎彼得為大四喜打下基礎，我只是前人種樹，後人乘涼而已！」網民都笑言他充滿喜感，更有網民高呼「我愛鍾仔」！

搶大龍生風頭出事

黎彼得去年因病離開了《愛回家》，「大四喜」以三人組合熊樹根（劉丹 飾）、大龍生（羅樂林 飾）及譚道德（陳榮峻 飾）亮相維持了好一段時間，劇情終於交代馬豹(黎彼得 飾)退團，其位置由佳叔（鍾志光 飾）頂上。日前劇情講述突然有活動搵「新大四喜」做嘉賓，想佢哋改歌詞演出，而大龍生就重金禮聘請大師改歌詞，點知Kai叔最後以自己改詞的版本演出，仲一夜爆紅，夠膽搶大龍生風頭，令大龍生要出招趕佢走。

黎彼得同TVB仲有約 兼職拍ViuTV 句句有骨拒回巢

72歲的黎彼得早前宣布接拍ViuTV新劇《極度俏朗君》，他在開鏡活動接受訪問時表示自己和無綫還有一年合約。他去年底做完手術後，TVB未有安排他復工，幸得契仔黃宗澤幫忙生活費，富商劉鑾雄得知他的情況後，更主動以支持者身分提出資助，令他大為感動。黎彼得又向傳媒指，一直以為11月約滿TVB，但原來仲有一年合約，不過藝員部指他係兼職可以兩邊走；坦言出院到而家TVB都無搵過他開工，曾勵珍就連電話都無個。

黎彼得亦透露早前因確診休息半年，而今次拍攝《極度俏郎君》時間僅每日一組，所以無咁辛苦較舒服；被問到如果TVB搵佢返去拍劇會唔會拍，佢就直言最好唔好，因為要捱更抵夜，「嗰啲錢唔係我去搵啦，搵到都唔夠畀醫藥費！」至於，《愛·回家之開心速遞》「大四喜」四缺一情況，黎彼得就表示無辦法，呢個世界無話無咗邊個唔得嘅，而家由鍾志光頂上，黎彼得看來重返無綫機會好微。