《愛回家》驚見翻版王浩信！24歲林俊其替身升呢「藍浩信」
原文刊於《東方新地》
林俊其首次演戲份較重角色
喺《愛•回家之開心速遞》中，林俊其飾演嘅藍浩信因為對Rebecca（沈可欣飾）呵護備至，令Rebecca春心動以為有新桃花，點知原來食詐胡藍浩信只當Rebecca係契媽咋！劇集播出後，唔少觀眾都驚歎林俊其激似王浩信，甚至比王浩信嘅親生細佬王瑋彤更似王浩信咁話！
其實林俊其之前曾多次客串《開心速遞》，不過戲份唔多，大部分都係路人角色，例如客人、主持、遊客及保安等等。今次第8次客串終於成功彈起，有網友仲話希望佢成為常駐角色㖭！今次林俊其真係要多謝王浩信囉！
林俊其與真身王浩信曾多次合作
事實上林俊其早年飾演嘅，大部分都係冇對白嘅二打六角色，仲喺劇集《踩過界》中做過王浩信嘅替身，另於《兄弟》中出演王浩信（飾張非凡）嘅青年版，兩人於仍未播出嘅劇集《極道怪咖》及《踩過界2》亦有合作。
來重溫一下「藍浩信」的演出吧！
https://www.youtube.com/watch?time_continue=77&v=9KpknXwPo0c&feature=emb_title
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
