梁舜燕孫仔阮浩棕高大靚仔 加入《愛回家》追「熊心如」

文：東方新地｜圖：蘇韻姿及阮浩棕IG圖片

阮浩棕 考藝員訓練班入行

梁舜燕孫仔阮浩棕（Nicholas）畢業自喇沙書院和香港科技大學，在2014年投考第27期無綫藝員訓練班入行，同期同學包括「李莫愁」張詩欣和「艾頓壯」焦浩軒，都在近年憑《愛·回家之開心速遞》成功入屋。

在無綫三年期間，阮浩棕主要擔任《Think Big天地》及《Think Big大明星》等兒童節目主持，直到他在2017年離巢去北京發展。

阮浩棕在內地兩年拍過《招搖》、《七劍下天山之修羅眼》及《狄仁杰探案之天煞孤鸞》等劇集及電影，全部都係古裝作品，但戲份都比他在無綫劇演閒角多，令他在內地人氣急升。

2020年9月，阮浩棕重返無綫拍劇，同時又加入了邵氏兄弟，在回巢短短幾個月內就參演了《我家無難事》和《智能愛(AI)人》兩部劇集，不過現在兩部劇都未出街。

今次在無綫處境劇《愛·回家之開心速遞》中，阮浩棕飾演新加入的角色「米剛」，在陳師奶的穿針引線下，有機會追求熊家乖乖女「熊心如」！

首次同阮浩棕演對手戲，蘇韻姿大讚對方好友善又好專業：「今次係我同佢第一次合作，因為會有少少親密戲，所以我初頭都有啲緊張，不過都好期待可以有新感情線！」

劇中要靠陳師奶幫手介紹識女仔，現實中阮浩棕高大又靚仔，又操到手瓜，應該不愁搵對象，2019年初他就曾在社交網上晒出一張拖手相，自稱已成功「脫毒」。