《愛回家》惡搞楊千嬅成癮 大小姐啪紫河車「餃子」回春

文：東方新地 ｜圖：TVB截圖、新傳媒圖庫

惡搞千嬅食紫河車餃子

《愛回家之開心速遞》一向廣受觀眾歡迎，會不時翻炒唔同經典影視作，日前就攞影后楊千嬅在2004年主演的電影《餃子》橋段來惡搞。劇情講述大小姐（林淑敏飾演）進食由蔡玉皎（王子涵飾）製作的餃子，整個人變得容光煥發，連若水（呂慧儀飾）都投以艷羨目光，令大小姐認為玉皎的餃子有美容奇效，要玉皎每日煮給她品嚐。但KC（歐瑞偉飾）、Terry（李偉健飾）之後發現玉皎的餃子餡料有問題，更以為是紫河車，即BB胎盤。戲中大小姐的食相刻意跟足在電影《餃子》中的楊千嬅，而劇組亦相當有心思，製作埋老翻電影海報，但將片名改成《餃肚子》，將領銜主演轉為萬嬅，十分惹笑！難怪有網友問：個編劇係咪好憎佢！

兩年前惡搞千嬅代表作《新紮師妹》

其實，《愛回家》惡搞楊千嬅電影經典作已有前科，約兩年前其中一集《愛回家》劇情中，講述滕麗名在商場中見到一張電影大海報，片名《當紮師母》及主演楊千霞，擺明惡搞2002 年楊千嬅主演的代表作《新紮師妹》，劇中滕麗名指雖然「千霞」出道二十年，但依然好索，不過被飾演保安的演員反駁：「家陣千霞已經做咗人外婆，梗係揀青春玉女。」對白寫實貼地！