《愛回家》小花被爆做飯局妹叫價X萬 2大線索惹網民狂估真身
《愛回家》飯局妹 收費海鮮價
Charlene除了自己做「飯局妹」，仲做埋「中介」拉攏飯局，她在IG就自稱「紅娘」，表示自己有「6年紅娘經驗，幫男人搵女朋友，100+成功case」，今次在《港女又萬歲》中，她透露旗下「飯局妹」中，有KOL、入過港姐初選，甚至有幾個「上過新聞啲落選港姐」，更大爆有一位比較紅的「飯局妹」，係《愛回家》女藝人！
Charlene形容該位女藝人曾入到港姐決賽，上過電視8點檔，當田蕊妮問「八點檔」是否指處境喜劇《愛XX》時，Charlene即回答：「係呀！」引起網民狂估係邊位《愛回家》女藝人。
港姐初選上過新聞更有巿場
Charlene指較紅的藝人收費亦較貴：「嗰啲就海鮮價，如果想多Job就兩萬蚊之內，有啲Artist嗌到五、六萬就難啲搵客。」而講她從中抽取幾多錢？她就表示：「5千至1萬。」
Charlene又指有些客不想食素人，想要有少少名氣，但又不要價格太貴的，所以曾上過一、兩次新聞的「飯局妹」便更加有巿場：「其實你（港姐）初選上過新聞，個價已經可以高一Grade。」
爆香港飯局一般3個鐘起
Charlene透露成為飯局妹的條件，一般要樣貌身材「過關」，但亦有客人會特意挑選「唔靚嘅」，而這些準則在疫情時變得較寬鬆：「一個35歲以下女仔，有眼耳口鼻都會有人嗌去食飯。」
她直認自己亦是在「條件寬鬆」下入行：「我都承認自己樣同身材都唔係特別標青，好多有錢人唔鍾意大X，鍾意平凡嘅身材。」她指香港飯局一般3個鐘起，自己在「搏殺」時期，連凌晨4、5點的飯局都會應約。
相關文章：盤點25位《愛回家》港姐演員 80年代元老級富婆甘做配角
曾自爆「摸胸費」高達10萬
現年31歲的港女Charlene中文名曾上游，做過護士、私影妹，又拍過《通山之戀》、《軍營之旅》、《月光光，心慌慌》等內地網絡電影，自言早在25歲時已持有內地和澳門5個物業，2019她更在元朗置業。她又曾在訪問中講到自己試過收費10萬進行不道德交易，但表示以後不會再接受。2023年尾她上ViuTV《戀講嘢》公開自認係「飯局妹」，指每次食飯都收4千蚊，「摸胸費」更高達10萬，引起網民熱議。早年她更上過《晩吹-啪啪Partner》做嘉賓，分享夜蒲交友攻略。
相關文章：戀講嘢︱飯局妹大爆收「胸襲收費」高達XX萬 IG曝光仲有額外收費？
將來還有什麼演唱會值得留意？
有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
