愛回家｜網傳多個角色每集人工有人拍1星期穩袋4萬2 有人竟然做義工

Q: 將來還有什麼演唱會值得留意？

有不少歌手宣布舉辦演唱會，小編為你整合了 香港演唱會2025一覽 ，包含各演唱會優先購票日期、公開售票日期、門票價錢、座位表等，想搶飛粉絲必定要留意！

Dec 27 2024

TVB處境劇《愛·回家之開心速遞》2017年開播至今已經將近2500集，不過隨住近年離巢潮盛行，唔少劇中角色都已經絕跡，令觀眾大感可惜。近日網上就流傳一張多個角色每集人工嘅列表，當中有人拍足1星期即穩袋4萬2千元片酬，亦有人被嘲係做義工$1都拎唔到……

愛回家｜網傳多個角色每集人工有對比

近日網上流傳一張多個《愛回家》角色每集人工嘅列表，當中更將多位演員區分為男一及女一等界別，並貼出其預測嘅每集人工。列表中演員們嘅人工大不同，當中叫價最高嘅係歐陽震華嘅$22,750，其次人工最高嘅分別係列為男一嘅劉丹（飾熊樹根）$6,000、男三周嘉洛（飾金城安）$5,750以及男二單立文（飾熊樹仁）$5,500。

不過有叫價最高就當然有叫價最低，列表當中何晉樂（飾龍舟）嘅每集人工就竟然顯示為$0，令唔少網民都直言好震驚！

愛回家人工近日網上流傳一張《愛回家》多個角色嘅人工列表。（圖片來源：threads圖片） — 近日網上流傳一張《愛回家》多個角色嘅人工列表。（圖片來源：threads圖片）

愛回家人工當中叫價最高嘅除咗2019年曾客串過嘅歐陽震華外，常駐角色叫價最高就係被列為男一嘅劉丹（飾熊樹根），每集$6,000。（圖片來源：TVB） — 當中叫價最高嘅除咗2019年曾客串過嘅歐陽震華外，常駐角色叫價最高就係被列為男一嘅劉丹（飾熊樹根），每集$6,000。（圖片來源：TVB）

愛回家人工叫價排名第2嘅則係被列為男三嘅周嘉洛（飾金城安），每集$5,750。（圖片來源：TVB） — 叫價排名第2嘅則係被列為男三嘅周嘉洛（飾金城安），每集$5,750。（圖片來源：TVB）

愛回家人工而叫價排名第3嘅仍然係男演員，是被列為男二嘅單立文（飾熊樹仁），每集$5,500。（圖片來源：TVB） — 而叫價排名第3嘅仍然係男演員，是被列為男二嘅單立文（飾熊樹仁），每集$5,500。（圖片來源：TVB）

愛回家｜網民連環猜測人工極參差原因

對於網傳嘅每集人工，隨即就引來唔少網民熱議：「根叔拍足一星期係咪淨袋4萬2」、「乜得有個做義工唔收錢咁偉大呀！」、「素素人工貴過女一？」、「啲植入式廣告咁重手，每人5000都畀得起啦」

不過亦有唔少網民表示質疑：「可信程度好低」、「加多個零就差唔多」、「我真係信特約$500，因為我都做過臨時演員真係得最低工資，而且剪到出場機會一個鏡頭都冇」、「一睇就知假啦」

愛回家人工女藝人嘅每集最高叫價則為$5,000，係近期出鏡機會大增加嘅古佩玲（飾申瑞素），比列為女一嘅呂慧儀（飾熊若水）$4,500多。（圖片來源：TVB） — 女藝人嘅每集最高叫價則為$5,000，係近期出鏡機會大增加嘅古佩玲（飾申瑞素），比列為女一嘅呂慧儀（飾熊若水）$4,500多。（圖片來源：TVB）

愛回家人工唔少網民更留言直指何晉樂（飾龍舟）每集人工為$0超離譜，更紛紛嘲笑佢係做義工。（圖片來源：TVB） — 唔少網民更留言直指何晉樂（飾龍舟）每集人工為$0超離譜，更紛紛嘲笑佢係做義工。（圖片來源：TVB）

TVB娛樂台主播朱斐斐拍片爆藝人身價唔怕得罪公司片酬最高嘅係呢位花旦

TVB藝訓班出身的朱斐斐入行已有11年，雖然出演超過80套劇集，但星途麻麻，飾演的都是閒角。朱斐斐於2022年開始擔任TVB娛樂新聞台主播，不過佢就在小紅書大大爆TVB藝人身價，仲叫網民一齊估邊個先係片酬最高嘅藝人。

愛回家人工朱斐斐喺唔少劇集都係演閒角。（圖片來源：TVB畫面截圖 — 朱斐斐喺唔少劇集都係演閒角。（圖片來源：TVB畫面截圖

愛回家人工朱斐斐2017年曾於處境劇《愛• 回家之開心速遞》中飾湯盈盈角色「高栢菲」的少女版，令她開始為觀眾所留意。（圖片來源：IG@ ffcfei） — 朱斐斐2017年曾於處境劇《愛• 回家之開心速遞》中飾湯盈盈角色「高栢菲」的少女版，令她開始為觀眾所留意。（圖片來源：IG@ ffcfei）

TVB主播朱斐斐抖音大爆藝人身價

近日TVB娛樂新聞台主播朱斐斐拍片大爆TVB藝人身價，喺片中爆料指視帝視后一集片酬大概都有4至5萬，最多就有7至8萬，仲大爆片酬最高嘅藝人就係鍾嘉欣：「片酬高的藝人還是有的，你們猜下會是誰呢？係呀，就係鍾嘉欣。聽講佢嗰時排《星空下的任醫》一部劇就已經有成300萬港幣。不過她當時呢好像拍了4個月吧，這麼一算她日薪也有2萬，喺TVB已經係天價。」朱斐斐更透露TVB拍劇一集預算大概只有100萬，自己當年喺訓練班拍戲一個月都只係收到車馬費。

愛回家人工朱斐斐大爆TVB藝人最多一集收7-8萬。（圖片來源：小紅書@朱斐斐） — 朱斐斐大爆TVB藝人最多一集收7-8萬。（圖片來源：小紅書@朱斐斐）

愛回家人工朱斐斐仲話鐘嘉欣拍《星空下的任醫》時片酬最高。（圖片來源：小紅書@朱斐斐） — 朱斐斐仲話鐘嘉欣拍《星空下的任醫》時片酬最高。（圖片來源：小紅書@朱斐斐）

愛回家人工總共收300萬港幣，每日大概有2萬片酬。（圖片來源：小紅書@朱斐斐） — 總共收300萬港幣，每日大概有2萬片酬。（圖片來源：小紅書@朱斐斐）

愛回家人工朱斐斐仲話TVB拍劇集預算大概每集100萬。（圖片來源：小紅書@朱斐斐） — 朱斐斐仲話TVB拍劇集預算大概每集100萬。（圖片來源：小紅書@朱斐斐）

愛回家人工網民都驚訝片酬最高嘅竟然唔係陳豪。（圖片來源：網民留言截圖） — 網民都驚訝片酬最高嘅竟然唔係陳豪。（圖片來源：網民留言截圖）

內地網民：TVB趕緊倒閉吧

朱斐斐小紅書嘅影片一出街，即刻惹來大批內地網民留言。唔少網民都話TVB太孤寒，難怪TVB藝人都會離巢北上搵錢，仲有網民話TVB藝人比內地網民更有顏值同演技，留喺TVB實在係委屈咗佢哋：「工資咁低，難怪個個都北上啦~ 離巢果啲早就賺到笑。」、「別的不說，TVB演員的專業能力、演技真的扛扛的。」、「趕緊倒閉吧 TVB扣得要死」。