60歲惠英紅天價接拍《刑偵V》 21年後神劇回歸

原文刊於《東方新地》

惠英紅天價接拍《刑偵V》 同資深監製拍住上

無綫為求給觀眾耳目一新感覺，新一輯用上近年回巢無綫，近作有《不懂撒嬌的女人》、《再創世紀》等資深監製關樹明，16年推出《不懂撒嬌的女人》時已被公認有創意，今次操刀拍《刑偵V》，還搵來三屆金像影后兼無綫視后惠英紅助陣，令人充滿期待。

《刑偵V》搶攻內地市場 姜皓文、王浩信、陳煒加入

據知情者透露：「小紅姐拍過唔少無綫劇，好似《巾幗梟雄》、《鐵馬尋橋》、《宮心計》，演出已經好搶戲，近年佢更加喺影壇大豐收，攞獎無數，已經係三屆金像影后嘅佢，身價今時唔同往日，之前小紅姐肯返嚟拍《鐵探》，都係畀面無綫，佢份人好念舊，同一班TVB幕後都熟晒，一月佢喺《萬千星輝頒獎典禮》封視后，都話會再返TVB拍劇，班監製梗係吼到實，今次《刑偵V》係同內地合作嘅合拍劇，製作費加碼，因為攻內地市場，一定要有大卡士助陣，小紅姐喺內地好受歡迎，無綫搵佢返嚟拍，已經封蝕本門，對收視亦有保證！」除惠英紅外，該劇主角還有姜皓文、王浩信和陳煒，劇集定於四月開拍，希望到時新冠肺炎疫情可以受控，劇集可以如期拍攝啦！