悶劇《迷網》靠小花搶fo 彭翔翎露波撼高Ling

新假期 - 影視

Jul 31 2020

廣告

無綫播映中劇集《迷網》播映以來口碑麻麻，不少網民大插此劇猶如加了愛情線的《警訊》，故事章節毫不吸引，比起接9點半播出的《殺手》實在難入目！不過，日前一幕飾演wedding planner高海寧死敵兼同事的Ada(彭翔翎飾)，露波色誘飾演許大狀的游莨維，稍為亮眼。

原文刊於《東方新地》

高Ling失色小花搶鏡

彭翔翎加盟無綫兩年一直做大配角，《迷網》中飾演發姣wedding planner 終於有得畀佢發揮。 — 彭翔翎(暱名釘釘)加盟無綫兩年一直做大配角，《迷網》中飾演發姣wedding planner 終於有得畀佢發揮。

無綫新劇《迷網》由楊明同高Ling擔大旗做男女主角，觀眾嫌配搭冇新意，不過劇中高Ling揸fit嘅婚禮策劃店就有一班養眼姊妹，連帶佢個死對頭下屬Ada(彭翔翎飾演)都有位出。

日前彭翔翎出席宣傳活動戴晒口罩同劇中上司高Ling合照，觀眾對佢認識唔深，真係有啲難認。

日前播出一集，講述彭翔翎做事頻頻出錯且態度惡劣，為許大狀(一蚊Joe游莨維)試禮服時竟然出盡姣功冧仔，高Ling見狀即有微言兼叫佢唔使再跟嗰單生意，點知姣婆遇著脂粉客，彭翔翎成功搭上許大狀，告枕頭狀架空高Ling。試禮服一幕彭翔翎更犧牲色相踎低身晒波，又摸身摸勢色誘男方，姣出位。

在劇中飾演Ada的彭翔翎，見到許大狀(由一蚊Joe游莨維飾演)來試禮受，竟然生滋貓入眼。

先係摸身摸勢貼身服侍。

仲踎低身特登露波，攻心到呢!

許大狀受晒，享受之餘仲大讚女方夠貼身。

Ada打蛇隨棍，主動問許大狀拎手機。

入完自己電話，Ada同許大狀摸晒手仔。

上司高Ling睇唔過眼話咗Ada兩句。

Ada使橫手搞到高Ling畀大老闆責罵，放工時高Ling揭發Ada原來已經搭上許大狀，做小三介入對方與未婚妻之間。

翻版林夏薇

彭翔翎曾在《愛·回家之開心速遞》中演出餐廳侍應一角，不過只係客串先連角色名都冇。

入行兩年的彭翔翎，暱稱叫丁丁，今年27歲，做極都係大配角，早前喺人氣處境劇《愛．回家之開心速遞》演美女侍應因甜美臉孔曾受到關注，喺劇集《解決師》中又曾演過其中一位美女啦啦隊隊員，當時因被指樣貌跟女藝人林夏薇相似已在網上引起討論！

被指似林夏薇嘅彭翔翎，唔知要捱幾多年先有薇姐嘅知名度呢?

樣唔算好標緻嘅彭翔翎，好在有對長腿，早前亦有份客串新劇《超能使者》。

身形瘦削嘅彭翔翎，著起比堅尼都係好乜睇頭。

有青春但身材似ipad，彭翔翎一味拍劇，未有其他上位機會。

彭翔翎性格樂天向外，社交網有不少遊山玩水照。

關鍵詞

彭翔翎高海寧高Ling 迷網

資料或影片來源：原文刊於東方新地