微辣阿晶｜阿丞千字文澄清係「病友」獲網民原諒 對話內容揭玄機！

少年江流阿晶同病相憐 係「病友」關係

阿晶其中「哭臉舊事」的指控中，少年江流阿丞係其中一位用過filter的人。25日後一直未有回應事件，直到凌晨（31日） 突發長文回應。阿丞大爆原來自己同樣於20年年尾情緒開始失控，醫院檢查後判斷患有抑鬱症，因為不敢告訴任何人的情況下，發現阿晶竟同病相憐，2人從此成為咗「病友」，自己好佩服阿晶的勇敢，向世人坦誠自己的病唔容易。

三方面對話內容證良好關係

阿丞指自己同阿晶不時都有聯繫，並於IG放上2人對話圖，其中三方面對話內容包括：問候吓對方病況、分享藥物同埋書籍。而阿晶離開微辣後，2人聯繫少咗，但都有保持著良好關係。

阿丞解釋「哭臉filter」成為唯一可原諒微辣成員

阿丞解釋「哭臉filter」指照片唔係本人自己影，嗰個story都唔係佢自己本人的賬戶，當時以為係同事玩吓分享日常就無點理會，後來先知造成嚴重的誤會，強調自己係無恰過阿晶，係保持朋友關係。阿丞最後對阿晶、阿晶粉絲以及阿晶的朋友表示抱歉。唔少網民對於阿丞的回應都表示支持的態度，更表示錯怪阿丞「有份喺連登鬧過你，因為見到喊喊圖同你喺伍仔條片下面話終於等到。見到你嘅自白覺得自己始終欠你一句對唔住，所以真身上嚟講，真心嘅，對唔住怪錯你。你要撐住，阿晶依家都會喺天上面望住你，所以你為咗呢個朋友都要加油，好好生活落去」「喊filter個story係喺卡特個ac度cap，阿丞個樣係好似俾人影但係自己又唔知嘅表情，嗰啲充滿「聖母心」嘅聖母，係唔係就通通x，阿丞你撐住，我支持你」

一齊睇原post：

加蔥拍檔阿泰宣布退出微辣 講嘢勁搶口被網民鬧爆

另一位微辣加蔥拍檔阿泰都有千字文表態，宣布退出微辣，更表示對公司、網絡、全世界感到失望。阿泰喺千字文表示自己我受夠一切，仲話自己近半年「情緒都日日爆發邊緣」，驚自己會成為下一個阿晶，仲話後悔點解唔早啲傾解約。阿泰文章中大鬧網民，反問大家咩叫正義等。阿泰的回應令網民更為激動指責，認為阿泰講嘢勁「搶口」，明明只係割席post！「唔好攞自己同Jane比啦」「對網絡失望？早排仲好搶口架喎」「無做過或者阿晶屈你咪大大聲講出嚟，扮x曬嘢咁做咩」「咪同個大導演一樣係到講經」「微辣係靠網絡起家，賺到錢搵到食時，又唔見妳話對網絡失望」「你咁講，即係知公司有咩問題啦，但你又隻字不提，即係包庇啦」「知情就講啦 成日講埋啲模棱兩可嘅嘢 咁大個人打篇文都語癌咁款」不過阿泰的回應都令不少網民、朋友擔心，阿泰亦出story指自己無事。