盤點7位與微辣合作過嘅藝人！李佳芯同加蔥拍超尷尬 似足天使與魔鬼

李佳芯Ali曾與加蔥合作演情侶

「零負評女神」李佳芯Ali五年前曾上過微辣拍攝Alipay支付寶廣告，片中Ali和加蔥分別飾演一流演員和九流魔術師。當時網民都大讚微辣夠把炮，請到李佳芯拍攝短片，不過就有部分網民指內容太尷尬，睇到「尷尬癌」發作，就連有Ali靚樣都救唔返。

Stanley新片突然被刪除

最近微辣邀請到MIRROR成員Stanley上「微辣遊戲王」，當時網民驚訝留言指MIRROR「雖然紅不過羅湖，但紅得過港珠澳」。不過近日短片已經刪除，未知是否與早前阿晶輕生離世一事有關。

陳奕迅出場宣傳新歌

少有上網紅Youtube頻道宣傳的陳奕迅，在4年前推出新歌《可一可再》時，竟然選擇上微辣作宣傳。當時微辣為陳奕迅度身訂做一個小劇場，豪Dee更用Eason多首經典名曲歌名串成一句做台詞，獲當時網民大讚好波。

Bob自嘲係X頭

Bob林盛斌在2017年首次於澳門舉行個人棟篤笑，騷前特意找微辣拍攝宣傳短片。短片中加蔥笑指Bob又肥又似X頭，阿Bob冇嬲之餘，仲留言多謝微辣：「多謝微辣團隊，希望大家睇得開心！」

譚詠麟出場5秒鐘客串小劇場

要數到最令人意想不到的藝人就一定是譚詠麟，該段短片前微辣藝人雲吞於澳門街頭突然大唱譚詠麟的《愛情陷阱》，一下子唔小心踩蕉皮突然仆地，譚詠麟突然出場伸手扶起雲吞。雖然小劇場短片只有一分鐘，無前無後無內容，但依然深受內地網民喜愛。

193多次上「微辣遊戲王」同Yelo以老公老婆相稱

ERROR成員193為微辣頻道的常客，光是「微辣遊戲王」就已經上過至少4次。每次193一出現都一定點擊率爆燈，193亦非常識做，每次上節目都夠曬放又大放笑彈，有次更同Yelo以老公老婆相稱，冧到Yelo笑到見牙唔見眼。

林峯宣傳電影大放電眼

4年前林峯曾經上過微辣宣傳電影《P風暴》，當時林峯又放電眼，又講勁冧台詞，搞到李熙媛（Rosalina）情不自禁由心甜笑出來。網民都紛紛留言指好羨慕Rosalina：「Rosalina 笑到超甜啊」、「我係仔都覺得Rosalina執到」、「feel到林峰好想笑」等。

盤點7位估唔到微辣合作過的藝人!