【復仇者聯盟4】睇Marvel都可以長知識 浣熊同小熊貓點樣分？
撰文：PC | 圖片來源：新假期資料室、網上圖片
【復仇者聯盟4】睇電影都可以長知識
《復仇者聯盟4》快將上映！除咗大部分主角都好受大家歡迎，仲有其他副線角色都好出眾㗎！就好似出自《銀河守護隊》入面嘅Groot同Rocket Raccoon，表現都好搶鏡～就好似Rocket Raccoon咁，作為一個射擊高手，又精通戰術，喺《復仇者聯盟4》入面都會擔當主要角色之一。以浣熊為原型嘅佢，竟然會有人同小熊貓混淆，等小編同大家比較一下，等大家可以一邊睇戲，一邊長知識啦！
浣熊 vs 小熊貓 外觀對比
最明顯嘅對比就係佢哋嘅毛色，小熊貓都係以啡紅色為主；而浣熊係灰黑色。但佢哋嘅面相驟眼睇真係好似樣，不過細心睇嘅話小熊貓嘅咀會比較短，頭圓耳大，而尾巴都會長一啲，手仔都似熊仔。
而浣熊就比較頭尖耳細，手仔會比較似猴子嘅爪，亦有啲人會覺得浣熊外觀好似老鼠。
浣熊 vs 小熊貓 性格對比
外界一般認為小熊貓性格比較溫順，加上外觀有啲似貓貓又帶啲稚氣，深受大眾喜愛。
而浣熊性格都好活潑好動，好鍾意「偷嘢食」，喺外國浣熊甚至會襲擊人類同其他動物，性格比較兇殘同有攻擊性，正因為咁所以大眾都覺得唔可以將佢哋當寵物養。相信Marvel fans睇過Rocket Raccoon都好清楚浣熊嘅攻擊力係幾咁驚人，即管睇下到時復仇者聯盟4佢表現係點啦！
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
