張明偉唔怕尷尬讚女友媽媽李麗珍「好正」 網民：珍姐係女神級

張明偉提起女友笑到見牙唔見眼

張明偉透露，Charming Way將嘗試改變音樂風格，可能會推出更多甜美的曲風，並計劃推出新專輯。此外，當被問到其女友許倚榕參與他的新歌MV拍攝時，張明偉即刻笑到見牙唔見眼，一度Hang機唔識答：「其實都好感恩可以邀請到佢，我都唔知自己講咩好，總之開心啦。一齊唱歌、拍嘢唔敢講，配音囉。我唔會逼佢嘅。（有冇好好慰勞佢？）慰勞方面呢…… 救命！我會盡我能力去慰勞佢！」

自爆覺得女友媽媽李麗珍「好正」

張明偉在訪問中亦有提到許倚榕的母親李麗珍，張明偉表示李麗珍對他們的關係大加讚賞，他透露是透過李麗珍認識許倚榕：「我係認識佢媽媽先嘅，不嬲都覺得媽媽好正，有機會認識佢個女，發覺仲正，所以我哋相處好愉快。」

暗示李麗珍支持自己追愛女

當被問到在追許倚榕之前有否先問過李麗珍，張明偉就表示：「我個人比較認真，唔敢話追，但都有請示咗先。」記者繼續追問李麗珍有否「助其一馬」，張明偉就口甜舌滑地回應指：「無呀！佢生個咁好嘅女已經係最大嘅幫助」，認真Sweet到爆。

網民紛紛留言調侃：女婿有個大膽諗法

訪問片段一出，一班網民就紛紛留言調侃，每個留言都非常爆笑：「珍姐係女神級嚟㗎」、「女婿有個大膽諗法」、「母女丼？」、「其實佢係鐘意人母 ，所以先埋個女身」、「阿未來女婿呢招冧掂未來外母，超叻仔」等。