半百張敏處女直播帶貨 貪靚用濾鏡出事驚變外星人
廣告
一代女神張敏淡出幕前多時，近年主力在內地參與慈善活動，不時傳出張敏復出消息不過得個傳字，年屆 52歲的張敏卻緊貼內地直播帶貨潮流，日前處女直播帶貨。不過向來被指保養得宜的張敏，卻因用了美顏濾鏡，令出鏡時雙眼離奇變大而下巴尖到似冰插，網民紛紛大叫認唔出是「綺夢」。
原文刊於《東方新地》
張敏直播一小時袋一球人仔
張敏早前跟內地綜藝節目《我就是演員》總導演吳彤相聚，導演在微博晒合照，即傳出張敏復出的消息，不過傳足兩個月未有任何動靜。紛絲們一心以為張敏亮相綜藝節目落空，不過張敏用另一個方式「復出」。日前張敏和內地網紅許華升齊齊玩直播帶貨，52歲的張敏一身黑長外套長皮褲束馬尾，甚有台型，由抵達一刻開始直播，張敏不時對鏡微笑，不過卻誤用變靚濾鏡出事，張敏膚色不但白到反晒光，雙眼變尖又長，臉尖更呈三角型，加上一口烈艷紅唇，有點嚇人，不少網民都認唔出這位就是「綺夢」張敏，更直指張敏老到唔認得。
向來被讚凍齡，廿年如一日的張敏，今次真係老貓燒鬚﹗不過有傳今次張敏直播一小時已可獲近一百萬人仔，咁好搵被人點彈點踩都冇所謂啦﹗
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
資料或影片來源：原文刊於東方新地
