張家朗凱旋回歸狂拋金句!見隊友何瑋桁被冷落 1舉動勁有愛!
張家朗見隊友何瑋桁被冷落 1舉動勁有愛!
在應付連串媒體提問的同時,張家朗並未忘記一直站在身邊的隊友、男子重劍選手何瑋桁,在中途回答問題期間提到「我哋劍擊」時,已邊做打劍手勢邊望示意桁仔答問題,不過桁仔可能有感是次是張家朗主場,故未敢喧賓奪主「搭嗲」;之後,在差不多快要完結記者會前,家朗行動「升級」,以手踭輕碰桁仔及說了句:「你講喇」,桁仔見狀亦得體地講了數句,互動相當有愛。
![張家朗 隊友 家朗行動「升級」,以手踭輕碰桁仔及說了句:「你講喇」,桁仔見狀亦得體地講了數句,互動相當有愛。(圖片來源:TVB)](https://imgs.weekendhk.com/wp-content/uploads/2024/08/67564f7e-fa93-4a09-aacf-a7cb24a083d1_5679049466ac654cc702c-1024x576.jpg)
張家朗凱旋回歸狂拋金句!
應屆奧運香港運動員連環拋金句,家朗是次受訪時亦繼續有金句,事緣家朗應記者要求以英文作答,期間提到自己是以香港精神去迎戰奧運:「香港精神係Never Give Up,Try Our Best To Get Everything,呢個就係我迎戰奧運嘅精神」,並謂自己不會因為疲倦或是「Not Good Mood」影響訓練,又說: 「Keep Going And Keep Fighting。」又謂自己每次比賽前都唔會諗成績給予自己壓力:「都係 抱住放鬆心態去打,去發揮自己應有嘅表現,唔好抹殺咗平日嘅汗水同努力。」
張家朗公開奧運後計劃
家朗續指完成奧運後會放大假:「因為過去三年都為奧運準備,身心都有點倦,所以想好好休息,再為下一屆準備。」 向來與團隊相當有愛的他,示意下屆目標是劍擊團體能順利出線:「今屆巴黎奧運唯一可惜嘅嘢,係我哋團隊出線唔到,其實我哋都有好好嘅成績,對我哋嚟講無形係一個打擊。」並一再感激為他打氣的港人:「好多謝佢哋,因為我每一場上場時,都聽到佢哋嗌加油,亦都見到香港區旗喺度,都係好開心嘅事」
除了未想到如何運用獎金,家朗笑謂就連如何慶祝也沒想過,只隨意的說:「冇乜諗慶祝,之前同屋企人食咗餐Lunch ,已經覺得係慶祝咗。」並搞笑地指返港後最想做的事,是「食番香港嘢」:「我好早過咗去法國,好少接觸到亞洲嘢食。」
將來還有什麼演唱會值得留意?
有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!