張天賦被爆再戀「人妻」? 被揭與Santis約會 上志雲訪問冧認：對佢有興趣
文：東方新地｜圖：《Stephen傾》截圖、《反對無效》MV截圖
張天賦半年前接受陳志雲網上節目《Stephen傾》訪問時，大談擇偶條件，指理想另一半條件包括長髮、大眼、嬌小，另一半絕不能高過168.5cm的張天賦，平頭都唔可以，唔好戴眼鏡等﹗其後談到拍攝《反對無效》MV時 ，陳志雲追問與MV女主角（Santis）的事，張天賦一提對方竟然面紅耳熱，一臉尷尬﹗
張天賦認鍾意Santis：我對佢有興趣
張天賦被陳志雲追問是否鍾意MV女主角（Santis）的類型，張天賦怕怕醜答：「都幾鍾意﹗」直認對對方有興趣，陳志雲追問想唔想追求對方？張天賦答：「少少想啦，（開始追未？）未，係咪算未呢？未追嘅，認識緊嘅。（想唔想追到？）要睇對方點？」張天賦透露由於拍攝MV時有親密動作，故有問Santis有冇男朋友，而當時對方答沒有男朋友，張天賦指如果對方冇男朋友，他拍攝時便不用太多顧慮﹗
張天賦爆Santis臨時加吻戲
張天賦指拍MV時好尷尬令他耳仔紅，又爆Santis臨時加戲：「佢突然錫咗我一啖，冇事先話我知，太突如其來﹗應該唔係導演要求加嘅﹗」陳志雲又問何時正式約會對方？張天賦就答大家工作都好忙：「佢再試吓再忙多陣，就會《反對無效》。」明顯想去馬追求﹗
張天賦約完Ash再約Santis行超市
5月時張天賦和Santis拍攝《反對無效》MV，有指是MC親自欽點選角﹗原來拍完MV後半年仍保持聯絡﹗近日張天賦被爆與Santis在去年12月27日逛超市﹗雖然相片中只見到女方背面，但網民從女方背面、頭髮長度、手袋及衣著打扮，逐一找出都跟Santis相同，更有網民到Santis留言：「我返Aeon兼職，平安夜當晚見到MC同Ash嚟買餸，好多同事都認到，27號我又見到MC，不過佢隔離個女仔不是Ash了，有人話好似係Santis你？？」
鍾情「人妻」
現年22歲的Santis（陳濬樺）在香港大學修讀創意產業課程，樣子標青有有港大楊恭如之稱，去年參與「態仔頭」《第三者故事》招募演員而在網上人氣急升，最後被選用為女主角，同時加入成為「熊仔頭」成員之一﹗去年網紅「熊仔頭」上載與女方家中相似的餸菜，女方被發現無名指戴上戒指，傳出緋聞後更傳有傳已秘婚，張天賦被網民與人妻特別有緣﹗
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
