張嘉兒愈變愈靚「豬扒港姐」包面進化史回顧

編輯：Evita ｜圖片：新傳媒圖片、張嘉兒Instagram、張嘉兒Facebook｜原文：東方新地

張嘉兒愈變愈靚

張嘉兒在TVB劇《婚姻合伙人》有份演出，今年5月7日佢就生咗細女Hannah，雖然張嘉兒坐月及照顧BB，但佢都不忘喺IG宣傳套劇，久未喺幕前露面，好多觀眾望住張嘉兒都一頭問號，就係「點解佢靚咗咁多嘅？」

張嘉兒表示拍呢套劇係佢生完第一胎後嘅劇集，佢喺IG大讚同劇演員相處融洽，而且Gigi姐黃淑儀仲不時煲湯、煲糖水畀佢哋食，好貼心！

07年當選港姐 慘被封為「最醜港姐」

回顧多年前，張嘉兒9歲移居加拿大溫哥華，曾參選當地的華裔小姐競選，但未得任何獎項。直至喺2007年參選香港小姐，擊敗同屆熱門王君馨、何傲兒等，爆冷奪得冠軍。當年嘅嘉兒有對細眼和pizza面，所以甫當選便被嘲「豬扒港姐」、「闊面港姐」、「史上最醜港姐」等。

同年她參選「第57屆世界小姐」，獲愛心小姐榮譽，奪此獎者會自動晉身決賽，所以嘉兒順利晉身16強，她亦成為香港代表在世姐競選中近廿年來最好成績的一位，對上獲名次的香港代表為1987年的楊寶玲。

2010年－2011年：

Pizza面早早已成張嘉兒的標記，她深知自己缺點，經常以兩頰的頭髮遮蓋兩腮，可惜一露齒笑就現形。

2012年－2013年：

嘉兒及後將秀髮留長，keep住韻味兼頻頻曬胸，務求轉移視線，一轉就幾年，仲愈來愈索…

法包成形

經過歲月洗禮，嘉兒樣貌成功精益求精，彎月形粉臉完美成形！下巴兜兜絕對係典型靚女臉形，明明發文說明話晒指甲，其實明眼人一睇就知晒尖面，從此不再豬扒喇！

豬扒港姐成功除名，擠身索女之位，與波神高寧、苟芸慧、朱璇等合照，丁點都唔輸蝕！

2016年TVB劇集《警犬巴打》中，張嘉兒劇中未有騷身材，但以純純兔冬菇頭幼稚園主任造型搶鏡，當時已有唔少人話張嘉兒突然靚咗好多，臉頰冇以前咁闊，下巴又尖咗！

2015年嫁人

張嘉兒於2015年嫁金融才俊男友Nathan，2016年誕下長女Leora。去年張嘉兒在社交平台中宣佈再次懷孕，成功三年抱兩，又靚又幸福令人羨慕呀！