巾幗梟雄之懸崖丨黎耀祥騷視帝級演技 4種情緒自由轉換獲激讚
廣告
TVB台慶劇《巾幗梟雄之懸崖》已經播出，視帝黎耀祥繼續出現在《巾幗》系列除咗令觀眾超期待外，佢與胡定欣嘅戲份同樣係大家熱議嘅話題之一！而黎耀祥今次就繼續狂曬視帝級演技，在昨晚（22日）播出嘅劇情中，仲連環自由轉換4種唔同嘅情緒，獲唔少觀眾激讚！
巾幗梟雄之懸崖丨黎耀祥狂騷視帝級演技
昨晚播出的第2集中，劇情講述在上海叱吒風雲嘅七爺（胡定欣飾），因親哥哥新爺（海俊傑飾）興風作浪陷入財困擠提危機。七爺喺不得已嘅情況下仲以死威脅柴十七（黎耀祥飾）幫忙，最終柴十七以「兄妹同心，其利斷金」、「光著腳的女人，不怕穿尖頭曼皮鞋的男人」以及「雀不飛」三大絕招，成功幫七爺渡過重大難關，2人更自此惺惺相惜，並立誓「狼狽為奸，贏盡上海灘」！
巾幗梟雄之懸崖丨台詞有深意變教育電視
永業銀行危機場口係劇中大場面嘅代表之一，除咗有動員數百人以及一眾主要演員演出嘅場面外，仲有開槍以及狂灑金錢嘅超氣派畫面，播出效果十分搶fo！今集仲有招牌勵志金句：「本來有路嘅咩？路係人行出嚟架嘛」，其他台詞亦超有深意，例如：「狼狽為奸，狼前腳長、後腳短，狽就前腳短、後腳長，所以兩個要夾計搵食」、「你當自己係一隻死咗嘅豬，死豬不怕開水燙」，又以「飛不起的雀仔」及「雞籠裏的雞」形容一眾上海商業鉅子。
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：TVB
