屍殺列車｜孔劉女兒「金秀安」18歲靚樣曝光 越大越似呢位國民女神
廣告
2016年上映韓國喪屍電影《屍殺列車》上映即獲極高評價，片中超緊張嘅劇情以及演員嘅演技均獲好評，而戲中飾演孔劉女兒嘅童星金秀安更令唔少觀眾印象深刻！金秀安今年就正式踏入18歲，成為大人嘅佢仲越大越靚，更被指激似呢位國民女神！
《屍殺列車》童星金秀安超強演技獲讚
金秀安於電影《屍殺列車》中飾演孔劉女兒「徐秀安」，在戲中除咗演繹恐懼嘅情緒十分自然外，就連悲傷嘅戲份情緒都難佢唔到，至今仍令觀眾記憶猶新。唔少觀眾都大讚金秀安雖然年紀細細，但係拍住咁多勁人時都完全零怯場，簡直係青出於藍！
金秀安《軍艦島》奪最佳女配角獎
2017年金秀安憑電影《軍艦島》獲得第26屆釜日電影獎的最佳女配角獎，及第38屆青龍電影獎的人氣明星獎。隨後金秀安在《與神同行》中飾演「泰山大王」，演技同樣令人眼前一亮。
金秀安仲係朴寶劍師妹
金秀安在5歲時參演電影《Sorry, Thank you》出道，至今已有13年。屬Blossom娛樂旗下藝人嘅金秀安，更曾係朴寶劍嘅小師妹！而今年正式成年嘅金秀安更係越大越靚女，keep住喺影視行業發展嘅金秀安仲被唔少網民大讚同「國民女神」姜素拉有幾分相似，評價十分高！
即睇更多金秀安靚相！
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：IG@blossom_entertainment、IG@reveramess_、《屍殺列車》劇照、《軍艦島》劇照、《與神同行》劇照、IG@kimsuan_official資料或影片來源：原文刊於東方新地
