尾二一屆口罩小姐｜秋香係星二代林靜莉+大熱Triple May起底

尾二一屆口罩小姐｜040號佳麗係星二代林靜莉 IG@jeannie_lam_

040號佳麗自我介紹時岑珈其、藍仔頭及程人富即席出題考演技，佢聲淚俱下真係有演技，評判同埋ERROR都讚。有網民民翻出040號佳麗的IG，發現佢就係林靜莉，係1979年度香港小姐季軍鍾慧冰（冰姐）的26歲女兒「莉莉菇」。Jeannie畢業於香港樹仁大學新聞系，曾做過空姐，又做過網媒主持，自去年參加ViuTV真人騷節目《阿女又戀嚟》後，又於開電視主持《一線搜查》，曾主持過《《細路開電視》、《30分鐘大放餸》及《你得我得大家得》等多個香港開電視節目。

尾二一屆口罩小姐｜045號Kylie C IG@ckykylie

045號佳麗表演足球旁述，就連評判之一做過資深足球評論員的強尼都大讚佢落足心機準備，加上身形出眾成功入圍。網民起底發現佢就係25歲咪神Kylie C.（鄭杞瑤），早前先拍完《戀愛Staycation》成為焦點，以往亦曾被「熊仔頭」和「藍仔頭」主理的YouTube頻道FHProductionHK邀請，拍攝了一段「拍一日拖」的短片，節目中Kylie C.甫出場便成功電暈主持人「藍仔頭」，搞到平時見慣大場面的「藍仔頭」口窒窒要賴自己眼瞓，仲講笑話：「平時我做開主導㗎嘛，今日無啦啦被人主導返轉頭，我覺我自己好似一個唔識講嘢嘅人，搞到我個心係咁跳！」

相關文章：戀愛Staycation參賽者｜Kylie杞子原來係學霸 又名36E「翻版袁嘉敏」

尾二一屆口罩小姐｜即將見証12強誕生！

尾二一屆口罩小姐｜第3集054黑絲女教師 原來係歌手鍾雨璇

第3集現身的054號佳麗，一身黑絲女教師造型睇到193同肥仔嘩嘩聲，佢自我介紹時話：「我本身唱歌嘅，但係唱咗十X幾年都冇人識我。」點知054轉個頭用腳夾毛筆寫大字，仲要紮晒馬擺pose，反差之大令佢順利入圍。網民隨即起底發現，原來054係36歲女歌手鍾雨璇（前名蘇慧恩），上年於《新城勁爆頒獎禮2021》突然暈倒，仲話傷到要睇跌打。鍾雨璇事業心重，曾於2009年參加無綫歌唱比賽《超級巨聲》未能入圍，2011年入選香港小姐廿強止步，至2012年終於獲得工展小姐冠軍，到2016年再參加「大閘蟹小姐競選」。

再睇更多佳麗IG起底：

尾二一屆口罩小姐｜022號佳麗 IG@shining_lsy_

022號佳麗表演項目係朗誦節錄版《別來無恙》，當時岑珈其讚佢可以將一段咁熟悉嘅歌詞變得陌生。雖然022號出鏡時間唔多，不過都有網民喺討論區求IG。

尾二一屆口罩小姐｜033號佳麗IG@cathychek

033號佳麗真身係植詠珊Cathy，即係媚姨個女，早前客串演出過《I SWIM》，一出場已經有網民認出，仲笑言《阿女又戀嚟》回歸。現年33歲的Cathy曾做過空姐又做過報紙記者，到2018年加入有線做娛樂新聞主播，到2021年初離開有線後，與阿媽媚姨一同參加了ViuTV節目《阿女又戀嚟》，卻意外地令媚姨人氣急升。

尾二一屆口罩小姐｜035號佳麗 IG@carmanxchan

035號佳麗出場表演雜耍有板有眼，不論評判定係ERROR都讚不絕口，阿Dee當時喺後台仲話佢「入硬」。035號表現淡定又有才藝，網民紛紛求IG。

尾二一屆口罩小姐｜039號佳麗長腿一字馬 IG@vickychuang

039號佳麗名叫Vicky係一位鋼管舞導師，一出場討論區即刻有網民討論，仲起埋佢IG出嚟。而Vicky IG入面不時分享性感鋼管舞影片以及美妙身形，網民仲發現佢孖生家姐Celia都係跳鋼管舞，仲參演過MV。

尾二一屆口罩小姐｜070號佳麗 IG@ellielwt121

070號佳麗一出場身形令三位女評判讚嘆，上一屆口罩小姐亞軍阿姨仲即場「驗身」，阿姨仲認證係「真嘢」。雖然070表演時用口咬住支筆畫Sound Bear，雖然有啲無厘頭，不過表現淡定對答如流，加上身形出眾自然順利入圍。

《尾二一屆口罩小姐》第2集出位佳麗

《尾二一屆口罩小姐》首兩集中，參選佳麗陸續出場，有人大膽玩蛇，有人玩「Leg咚」，不論成功入圍與否同樣吸引網民關注重。隨即亦有眼利網民起底翻出佳麗IG，即睇更多口罩小姐真身！

更多口罩小姐佳麗IG起底(按編號排序）：

尾二一屆口罩小姐｜015號佳麗 IG@venus_zuiyi

015號佳麗報稱現職「聲播主」，亦有經營YouTube頻道，片中自稱「醉兒」，而IG名就叫Venus，佢仲分享過自己15歲同25歲嘅對比圖。

尾二一屆口罩小姐｜028號佳麗「玩蛇女」IG@violetssss_

028號佳麗自我介紹時大膽玩蛇，將大蟒蛇盤於自己肩上，評判藍仔頭仲嚇到腳軟，呢個出眾表演令佢成功入圍。網民起底發現，028號佳麗其實係阿櫻，YouTube頻道Chill Up的KOL之一，另有經營個人頻道阿櫻日記。除咗鍾意爬蟲類動物，阿櫻仲會玩占卜。

尾二一屆口罩小姐｜041號佳麗 IG@shanna_ma

041號佳麗馬穎珊原來贏過2016 Miss Global City Angel 全球城市天使，以及參選過2017 Miss China International 世界華裔小姐。現時係一位KOL，社交平台上有不同品牌的廣告及出席各式活動。

尾二一屆口罩小姐｜052號佳麗譚詠怡 IG@victoria_tambb

尾二一屆口罩小姐｜057號佳麗明慧 IG@mingwaiovo

雖然057號佳麗未能成功入圍，不過同樣有網民關注，仲被起出佢IG係mingwaiovo，原來佢YouTube頻道冬OT的KOL明慧，參與過ViuTV《YOLO的練習曲》，又主持過香港電視《學界超聲道》。

尾二一屆口罩小姐｜061號佳麗 [email protected]

尾二一屆口罩小姐｜064號佳麗 IG@angelwkyz

尾二一屆口罩小姐｜071號佳麗選過世界小姐 IG@wingheng

071號佳麗王詠珩報稱係遊戲治療師，原來2017年代表過香港去東京參選國際小姐，2018年代表香港到三亞參選世界小姐，同時係一位模特兒。又做過《ViuTV 2018》司儀、拍過ViuTV劇集《理想國》。

尾二一屆口罩小姐｜079號佳麗　IG@yoyopunyiu

079號本身俾人foul，但係193救咗佢，撥頭髮的小動作成功俘虜3爺。

尾二一屆口罩小姐｜目前最年長佳麗 076號55歲藝術家

076號佳麗年屆55歲的參賽者引起了眾人的目光，據她自稱長期在日本與法國從事演藝相關的工作，希望透過參加節目去提高知名度，令更多香港人都能夠認識。當193同肥仔聽到參賽者已經55歲之時，都大讚對方保養得宜，完全睇唔出已經年過半百。

尾二一屆口罩小姐｜021號佳麗 [email protected]

021號佳麗名為Suki，IG名whl.jpg，佢一出場就話自己好想做幕前所以參賽，仲喺台上大跳勁舞充滿力量。而且佢仲識得評判之一YouTuber藍仔頭。Suki本身跳開舞，仲有個跳舞團體S.Jewelous HK跳K Pop為主，而且仲係網店模特兒。

曾為「熊仔頭」拍過片：

尾二一屆口罩小姐｜030號佳麗「翻版張柏芝」 IG@kitcheunginstagram

030號佳麗「翻版張柏芝」，一出場以《少林足球》表演示人，非常出位。

尾二一屆口罩小姐｜032號佳麗 [email protected]_

032號佳麗尹嘉裕kakawan，身形嬌小的她在自我介紹時話自己係演員，不過係「萬年學生妹」，參賽係想嘗試其他方面演出。kakawan平時仲會拍cover歌下歌，難怪佢首次登場就唱歌啦。

尾二一屆口罩小姐｜043號佳麗 IG@lila_lam

043號佳麗Lila Lam，今年29歲，身高179cm，報稱係金融策劃員。身形高䠷的她一出場已經與其他年輕參賽者有不同感覺，原來有做模特兒工作，喺自己IG都有post過自己做模得兒的資料，又曾於2019年參選Miss World（環球小姐），不過40強止步。雖然佢嘅才藝表現係講棟篤笑有啲冷場，不過評判之一強尼欣賞佢落力背稿，最後都俾佢入圍。

尾二一屆口罩小姐｜073號佳麗 IG@chupo_venus

073號佳麗，IG名chupo_venus，雖然樣子順眼，不過呢自我介紹時竟然講爛gag係咁「哈哈哈」，當然冇得留低。不過除罩一刻發現係靚女，所以網民即刻起底。Venus資料報稱係花藝師，讀過浸大BBA同演藝學院，IG除咗post靚相仲會唱下cover。

尾二一屆口罩小姐｜060號佳麗 IG@westtung

06號佳麗其實就係網紅西童，眼利網民認出其出眾體態，再加埋節目所示的「福利」肯定她是西童。不過佢自我介紹時表演射橡筋，無厘頭的行為令佢出局，令肥仔＠ERROR大感失望。不過有網民質疑，ViuTV是否已寫好劇本，事後用其他名目將她拉回節目。西童了網紅身份之外仲百足咁多爪，開設服裝品牌網店，做打碟DJ又做紋身學徒等等。西童的網店主打女性休閒服及泳衣，她更親身做生招牌，又上過ViuTV節目《戀講嘢》做嘉賓，相信唔使多介紹。