79歲尹光被指疑抽林明禎水惹熱議 本人20字親自解畫
廣告
人氣急升「叱咤我最喜愛男歌手」10強的尹光確實是人紅事非多，最近竟被指涉向女藝人抽水，主角更是女神林明禎！事緣日前尹光同大馬女神林明禎出席活動，在合照環節中，79歲尹光竟被網民質疑手多多？光B事後亦大方回應。
尹光被質疑抽水林明禎 出「鹹豬手」？！
「我最喜愛男歌手」10強尹光最近與大馬女神林明禎出席「昂坪 360 x Polaroid 冬日炫彩聖誕」活動，「雙B」喺合照環節中，可愛比大心心手勢，尹光將手擺喺明禎背後，點知明禎突然尷尬向後一縮。唔少網民睇完呢一幕都留言質疑尹光抽水，出「鹹豬手」！「擺明hi到邊，都無人出聲！」「本身想投尹光，原來佢抽水，而家轉投Anson Lo了，起碼佢唔會抽水女性」「放開個女仔！明禎BB 好慘」「人地當時個反應大到 好明顯就係你抽水啦」有女網民更認為事態嚴重完全無人保護明禎！
尹光大方回應：我太太都係度只係想叫佢行埋啲
對於抽水事件，尹光回應傳媒，指佢都幾十歲人，唔會諗呢啲嘢，當日就算拖明禎手都係明禎叫佢先拖，而掂到明禎背脊只係想叫佢行埋啲，強調太太都喺現場，會睇實佢。尹光仲大方表示佢唔會嬲，因為為把口生喺人哋度，人哋鍾意講乜，由得人哋講，佢做無過。睇返整個合照流程，明禎件衫似乎曾出現異樣，未知是否關事。
連登仔質疑係鏡粉帶風向：呢單嘢唔係咁簡單
最近叱咤「我最喜愛男歌手」邁向5強階段，競爭非常緊張。有連登仔分析事件，認為鏡粉開始帶動風向，影響尹光形象，如果真係發生抽水事件應該問返明禎本人「呢兩日好明顯有系統咁攻擊緊佢」「正常點會掂人波邊，你話屈咪話屈囉」「睇嚟啲鏡粉覺得有危機」「尹光都係手指肥姐」「光B 心諗 我都70幾歲人」
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
圖片來源：IG@cr881903、大會提供影片截圖、youtube＠Viu1 HK資料或影片來源：原文刊於NewMonday
