21歲「寸嘴Ivy 」賴琦媛落選後是非未停過 男伴車輪轉被爆係蒲精

原文刊於《東方新地》

賴琦媛男伴車輪轉 被爆係蒲精

不過，即使港姐十二強止步，仍無阻賴琦媛繼續自我膨脹，不甘心落選的她，更將落選歸咎遭人抹黑，又揚言隨時明年會捲土重來再參選，更謂想加入主持《後生仔傾吓偈》，當正自己好受歡迎！據知情者透露：「寸嘴Ivy咁自以為是，被foul出十二強梗係唔忿氣，不過，佢好快就收拾心情，好清楚自己要啲乜！就算入唔到決賽都唔緊要，佢最著緊要增加知名度，不知幾想入娛樂圈，成日出口術想人簽佢！」

賴琦媛極速黐內地富貴肥叔叔 成功進駐豪宅鬼崇撐枱腳

出名拜金的賴琦媛，其實參選志不在攞獎，反而更在意藉選美作跳板埋富二代身，早在參選初期，已經被揭同李彩樺前度金融才俊潘啓翀拍拖，不過，賴琦媛參選即飛甩男友，充滿野心要更上一層樓，之後又被拍到有中佬以60萬名車接載出入，男人在身邊車輪轉，原來近日再極速換畫，成功釣上內地富貴肥叔叔。