【家務戰場】26歲貝依霖被封「家務廢柴」爆粗mean精言行出位

Q: 將來還有什麼演唱會值得留意？

有不少歌手宣布舉辦演唱會，小編為你整合了 香港演唱會2025一覽 ，包含各演唱會優先購票日期、公開售票日期、門票價錢、座位表等，想搶飛粉絲必定要留意！

Feb 3 2021

ViuTV《家務戰場》是集6位「世界級港女」的真人騷，26歲貝依霖都在其中，在6女當中，貝依霖的言行都相當出位，爆粗又mean爆批評別人廚藝，挑戰任務時亂咁嚟，最後被封「第一屆家務戰場家品清潔廢柴」冠軍要受罰。其實貝依霖是杜汶澤「喱騷」其中一位女主持，今次她亦不諱言「貢獻了超多雞手鴨腳的第一次」⋯⋯

撰文：東方新地｜圖片：ViuTV《家務戰場》截圖、貝依霖IG、《喱騷》截圖

【家務戰場】26歲貝依霖被封「家務廢柴」爆粗mean精言行出位 — 貝依霖在《家務戰場》的預告片中，倒奶拋胸，出晒位。

貝依霖和Rose Ma被安排清洗廁所，貝依霖一腳踢起廁板，相當豪氣，因為嫌污糟而不慎爆粗，盡顯真性情。

貝依霖與Rose Ma拍檔不滿要瞓帳幕

《家務戰場》是ViuTV的全新節目，貝依霖（Chantale）、馬俊怡（Rose Ma）、伍詠詩、王頌茵、邱晴、陳婉婷（Hebe）6位媽寶囡囡，在挑戰各項家務時盡顯最真實一面，當中言行最出位的是26歲的貝依霖，在首集中，6女要入住訓練營並以抽籤形式決定房間等次，貝依霖抽到「浪漫星空套房」，貝依霖即嗲聲問：「係咪有埋男人㗎？」令主持呆在當場﹗最後原來被與Rose Ma同瞓帳幕，唔習慣瞓帳幕的貝依霖突然爆出：「好X硬﹗我平瞓又整到尾龍骨，打側瞓又整到我盤骨﹗」

貝依霖mean爆批評邱晴廚藝

邱晴、Kathy仔率先接受首項秘密任務為大家煮早餐，故比大家早起身而為大家準備，古明華問大家覺得早餐如何，陳婉婷指雖然麥皮「杰達達」但味道不錯，但貝依霖不停追問「加咗咩去煮㗎？奶？咩奶呀？」古明華指麵好似未煮熟一樣，邱晴一臉天真地話：「芽菜好味吖，夠味呀﹗」貝依霖毫不客氣咁話：「啲芽菜好味，係因為啲芽菜本身有味本身好味，唔係煮得好味﹗」評語mean到爆﹗

暴力拆抽氣扇貝依霖要受罰

6位世界級囡囡要接受清潔家品的挑戰，15分鐘限時內清潔常見的家品，例比賽甫開始，Rose Ma跪在地上落力洗風扇，不過她竟然用濕布抹插頭，犯下大錯，被指是錯誤示範，非常危險。貝依霖為在比賽中唔好輸，竟然暴力拆開抽油煙機，當場嚇親眾人，最後被封「第一屆家務戰場家品清潔廢柴」冠軍，被罰為所有人吸塵清潔。

6女被安排洗去枱上家品，包括抽油煙機、風扇及電飯煲等，測試她們的清潔技巧及對清潔劑使用的認知。

節目每集都有一個主題，仲有古明華做主持：

貝依霖挾杜汶澤新女之名上位

杜汶澤自從與朋友集質七位數字開新公司後，升呢做老闆，但仍親力親為做自家新網台「杜汶澤喱騷Chapman To’s late show」，並利用網媒實行為自己製造熱話自己兼做埋宣傳，成功引起大家嘅關注，所以杜汶澤一直聘請嘅新員工個個都勁好身材，成功令幾位「澤女郎」上位，其中一個是當時24歲的貝依霖，有指她為求上位，曾經與杜汶澤合作期間爆出疑似露乳暈事件！

貝依霖疑似走光網民指博上位

杜汶澤呢排又再聘請一位擁有導彈級身材嘅莊端兒做私人女秘書，同時亦會喺全新資訊性live節目《壹鳩大事回顧》中出現。當時，杜汶澤仲驚自己老婆阿田會對呢位新秘書有意見，皆因莊端兒名副其實係個double may﹗杜汶澤搵到嘅貝依霖番嚟開工，並喺美食節目《為何深夜總是餓》中，以低胸上陣做助手教烹飪，又喺《今晚poke嘢夜唔夜》大膽探討性話題！