40歲孫慧雪晒半球擔任豐胸代言人　分享心得：胸部保養好重要

孫慧雪豪晒33C索爆身材

宅男女神孫慧雪雖然已為人妻人母，但憑着驕人身材及甜美樣貌，又不時愛在社交網騷「咪咪」大派福利，依然有大班宅男粉絲追隨。日前雪雪就在IG上載一輯性感靚相，豪晒33C索爆身材，眼見她穿上銀白色超低胸晚裝裙，再側身瞓在地上大晒「完美球形」，就算39歲仍然堅挺！難怪獲不少網友大讚：「正到不得了」、「跌出嚟咁滯」、「一個字索！」等等。

為豐胸公司擔任代言人

其實孫慧雪今次是為豐胸公司擔任代言人，拍攝新一輯性感硬照，雪雪在IG留言說：「我今年40歲啦！想同大家講胸部保養對女人嚟講，真係好重要！只要胸部保養做得好，除咗望落線條靚啲，年輕啲之外，最重要係保持胸部健康！女人真係要對自己好啲，想身材體質keep得到，又keep得好，一定要由專業的來！」

33C孫慧雪處女寫真賣斷市

2016年孫慧雪趁入行10周年推出處女寫真《Once》，專登飛去台南墾丁取景，保證人靚景靚！雪雪講明呢本寫真係佢「第一本、亦係最後一本」寫真，以後唔會再出，仲講明唔係想書展撼𡃁模，只係趁後生影輯靚相留念咁話！既然要出書，梗係要以最靚一面示人啦！雪雪話臨出發前參考咗過百本寫真，最後決定採用日系風格，襯晒雪雪個日本妹形象！雖然雪雪唔諗住同𡃁模正面交鋒，但少少性感吸客在所難免，寫真罕有谷盡深坑，更有半裸上陣，小心睇到流鼻血呀！

新戲《愛還記得》做學生妹 獲網友力讚： 毫無違和感！

孫慧雪去年首次當上電影《愛還記得》女主角。孫慧雪日前在IG率先分享電影學生妹造型照，即獲網友力讚：「真係無敵，毫無違和感」。

孫慧雪扮學生妹 網友：毫無違和感

39歲的孫慧雪雖然已為人妻人母，囝囝Riley亦已經4歲大，但她無論樣貌及身材都Keep得極好，近日更突破自己，獲邀首次當上電影《愛還記得》的女主角，事業有望再創高峰。日前孫慧雪在IG率先分享電影中學生妹造型照，並留言：「扮學生需要好大勇氣，千祈唔好鬧我」。相中的阿雪束馬尾，確實青春可人，更引起網民熱議，紛紛留言力讚：「真係無敵，毫無違和感」、「雪雪仲似學生過啲真學生」、「妳都算勁，依然有100%學生妹feel」等等。

雪雪仲拍心口擔保所有相冇執過，百分百純天然，保證無添加！寫真暫時印咗幾千本，成本要6位數，呢排雪雪忙住揀相，絕對係用心製作。學生、女文青、紋身妹，梗有一個look啱心水！