20歲姜濤唔怕反彈食極唔肥勁招積 花姐監督避免掉禮物風波再現
廣告
據非正式統計，姜濤十次被傳媒野生捕獲，有九次都係去買嘢食，炸雞啦、小食啦、台式飲品啦次次都份量十足又惹味喎，就講就再遇到第十次姜B搵食！
撰文、圖片：東方新地
姜濤唔怕反彈食極唔肥勁招積
呢日又係開 完工買外賣醫肚，買完大大盒燒味飯都仲未夠，又走去小食店流連一陣，跟手買多盒小食返去餸燒味飯。小學年代曾經係肥仔一名嘅姜濤，家陣360度轉變，好似食極都唔肥咁，又繼續白白淨淨瘡都冇粒，真係恨都恨唔嚟！
花姐監督避免掉禮物風波再現
收工買嘢食醫肚之前，姜B呢日就喺尖沙咀出席完活動。話說較早前被爆大量姜濤粉絲禮物被掉去垃圾桶嘅？當時花姐都即刻下令徹查，仲承諾以後會小心對待粉絲嘅禮 物。果然唔係講吓就算，跟花姐一架保母車由尖咀送到返銅鑼灣屋企，姜B就將十袋八 袋疑似粉絲嘅禮物親自搬上樓安放家中，咁樣安排各位姜糖滿意未？息怒未？
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
