李芷晴睇完姜濤演唱會惹被TVB照肺疑雲 IG急出Po澄清

姜濤演唱會尾場｜台下星光熠熠

昨天（5日）是MIRROR成員姜濤演唱會的尾場，除咗有羅志祥做嘉賓之外，台下亦星光熠熠，有唔少前輩都有到場支持，包括Do姐鄭裕玲、毛舜筠等。但係最令人估唔到嘅係TVB御用綠葉馬海倫昨日也有捧場，並且在社交平台留言感謝「姜糖」大方送禮物畀自己，而馬海倫身旁仲有李芷晴同鍾晴呢兩位小花…

李芷晴睇姜濤演唱會 被網民發現好快刪除咗IG限時動態

身為TVB藝人她們去支持對家ViuTV藝人已經是一個焦點，而有網民發現李芷晴昨晚在IG限時動態中有發布有去看姜濤演唱會的動態，但很快就刪除了！

在晚上時份，李芷晴在IG出了一個限時動態，她強調沒有畀TVB照肺，「其實公司冇照肺 Story24小時就冇左（咗）係好正常 大家唔使擔心」。焦點除了沒有被公司照肺，限時動態中的李芷晴嘟嘴樣貌竟被指撞樣姜濤！

網民開Post討論：方丈 嬲嬲豬

網民在Facebook討論區開Post，寫道：「啱啱TVB李芷晴Del咗睇姜濤 演唱會嘅Story，方丈 嬲嬲豬，利申：同情」。不少網民也附和「TVB不嬲小氣」、「點解要del呢，咁驚就唔好睇喇嘛」、「反而用呢張相，啲人開始識佢」。

至於馬海倫IG則沒有刪除3人的合照，馬海倫還很高興的寫道：「昨晚開心咗成晚 感謝姜糖粉絲送好多姜糖相和紀念品」。

擔心李芷晴會入雪櫃

亦有網民擔心TVB會否因睇一次姜濤演唱會就雪藏李芷晴，網民表示TVB很「小氣」，同時害怕以後在《愛回家》見唔到佢。