姚焯菲18歲生日After Class另類齊人 細個仲畀一代歌后抱過！
廣告
姚焯菲（Chantel）昨日（22日）迎來18歲生日，出身於《聲夢傳奇》嘅Chantel除咗獲大批fans為佢慶祝外，仲獲唔少圈中藝人送上祝福，認真好人緣！姚焯菲嘅後援會更邀請多位藝人拍片為偶像慶祝，而片中唔單止久違見到After Class另類齊人，仲竟然見到Chantel細個時竟然被呢位一代歌后抱住合照過，簡直係驚喜爆燈！
After Class齊人全靠姚焯菲生日
日前姚焯菲嘅後援會上載咗一段新片，片中除咗見到多位藝人例如：陳瀅、吳業坤、JW王灝兒、泳兒以及眾《聲夢》歌手外，久違未與After Class合體嘅炎明熹（Gigi）亦以拍片方式現身，為好友送上祝福。而片中仲會見到鍾柔美（Yumi）及詹天文（Windy）嘅身影，都算係After Class久違地齊齊出鏡！
姚焯菲同呢位一代歌后竟然有交集
除咗一眾藝人送上祝福嘅影片外，後援會亦上載咗一段姚焯菲的成長歷程，片中更有超多絕密相公開！不過當中最吸引嘅，就莫過於由一代歌后徐小鳳抱住BB姚焯菲嘅照片，令唔少網民都驚嘆2位竟然有交集！而姚焯菲亦冧爆拍片畀18歲嘅自己，更寄予自己要成為1個好嘅大人以及生活開心。
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：Ig@chantelyiu、Ig@win_dy__、youtube@姚焯菲官方後援會 Chantel Fans Club (CFC)
