姚樂怡24歲小鮮肉細佬曝光！被指似吳尊加王浩信、網民質疑是母子關係

相關文章：佘詩曼貼合照曬舊歡、大隻型男身份曝光！TVB 「七魔女」近況更新！

姚樂怡公開細佬抱貓片

姚樂怡是「七魔女」成員之一，雖然已淡出娛樂圈，依然不時keep住曝光率，日前她因為非常掛念身在深圳生活的24歲細佬姚日豪，於是分享了一條短片，片中見姚細佬一手抱住隻貓，被姚樂怡拍頭後回眸甜笑，片中的他沒有戴口罩，可見並非近年所拍，有網民指姚細佬靚仔到似吳尊與王浩信混合體。

姊弟情深

多年來姚樂怡都有po其細佬的成長照，據知姚日豪去年在英國讀完Master，現在長居深圳任職IT，其英文名叫Yahoo。年幼時的姚日豪身形瘦削，膚色黑黑實實，仔大十八變後，成個唔同晒，姚樂怡雖然與他年紀相差24歲，但兩姊弟冇代溝，感情深厚，每次細佬要返英國讀書，姚樂怡都會去送機，一家人又會不時搞聚會，不過因疫情關係，細佬要留在深圳，冇得返香港過年。

網民質疑細佬真正身份

姚樂怡細佬初長成，短片曝光後即引來網民議論紛紛，除了討論其顏值外，更有不少人質疑姚樂怡生得細佬出，似親生仔多過親細佬。