姚子羚情慾短片疑曝光 本人澄清：影片裡的人不是我

原文：東方新地｜圖片：新傳媒圖片、IG

網上瘋傳疑似姚子羚情慾短片

最近，姚子羚被爆搭上已婚夜店董事Raymond，被指陷入「四角關係」！然而，近日於WhatApps和網上討論區皆瘋傳一條長約5分鐘的情慾短片，片中女子無論身材、樣貌和聲線都與子羚有幾分相似，故不禁令人猜疑片中人是否就是最近捲入桃色糾紛的子羚！

姚子羚：片段裏的人不是我

姚子羚得悉疑似情慾短片一事後，亦馬上回覆傳媒，指自己要回應的事都已經作出回應，而今次所謂的情慾片段裏面的人亦並不是她，再次表示多謝大家關心。一天光哂，原來並非子羚！

早前，姚子羚負上小三之名，更有大量姚子羚與Raymond親熱的照片流出，當中更有Raymond赤膊、姚子羚在其身旁熟睡的床照，而事件曝光後，姚子羚被指原來只是小四，因為Raymond 身邊早已有位圈外小三，今年2月農曆新年，小三更陪住Raymond欣賞煙花。

姚子羚去年搭上已婚人夫Raymond，拍拖期間曾蜜遊泰國，二人拍下不少親密照片，當中更有床照，不過姚子羚坦言不知情，表示沒有赤裸與男方合照，但不知他人手上會有甚麼片段。

做咗小四？

38歲的姚子羚去年3月與過億身家的「的士邦」鄭子邦分手，有指分手原因是女方催婚不成，姚子羚做唔到少奶奶惟有另尋目標，據知情者透露：「姚子羚其實同Raymond當年喺胡杏兒婚禮已經識咗，Raymond同李乘德（胡杏兒老公）都幾熟。之後Elaine 同的士邦散咗，出嚟玩咗幾次就同Raymond搭上喇！佢明知人哋同老婆未正式搞晒離婚手續都一齊，而同時Raymond亦有個圈外女友，不過佢同Elaine講已經冇感情會分手，Elaine信以為真，結果做咗小四，有傳今次搞到咁大鑊，都係小三做嘅，總之Elaine又遇人不淑啦！」

斬纜保形象

對於捲入四角戀及被公開床照，正在趕拍新劇《唐人街》的姚子羚，為免傳聞愈傳愈過火，於19日傍晚極速蒲頭，於電視城作出回應：「我想講，我同Raymond一齊時，佢同Sarika（蔡宛珊）已經分開咗。現時為止分開兩年，我同Sarika都認識，Sarika都知我哋拍拖。(記：有冇介入別人婚姻?)我同佢相識時，佢哋已經分開。」

切忌扮可憐

世上渣男何其多，Raymond於夜店工作多 年，閱女無數，身邊甚多飛來蜢，雖然有個樣靚身材正的正室Sarika，但他仍然花弗成性。知情者透露：「Raymond經常應酬飲酒，Elaine佔有慾好強，不過亦因為太進取，佢想認真但男方未必想，所以唔會有好結果。佢哋拍拖時影過好多親熱相，其實依家好多男人會拎嚟同班兄弟炫耀，Elaine不知幾驚形象毀於一旦，所以佢班『胡說八道』姊妹教佢一定唔可以扮可憐，要先發制人出嚟話畀人知佢係正常拍拖，就算有更激嘅相同短片都係好正常嘅事，如果真係流出，亦都只會鬧爆男方同放相嘅人，佢只會係受害者。」

心急上岸累事

姚子羚15年與富家子鄭子邦（的士邦）拍拖，感情穩定屢傳婚訊，當年姚子羚被愛犬咬傷面險毀容，的士邦不離不棄陪伴左右。

打到飛起

為了應付大量武打場面， 姚子羚開劇前積極受 訓，近日與伍允龍打到飛 起，本來身形已瘦削的她 變成鋼條人，雙腳被指是 筷子腳。而《唐人街》已拍了幾個月進入埋尾階段，今次姚子羚出事，少不免令劇中演員人心惶惶，怕好似安心事件一樣要重拍。