《姊妹淘》索女主持鬥幸福 26歲蔡嘉欣風騷晒有米男友

新假期 - 影視

Jul 28 2020

廣告

近年無綫節目《姊妹淘》有唔少新血加盟，當中包括去年參選港姐五強止步嘅蔡嘉欣同IG女神Jumbo(曾淑雅)，二人同樣係長腿高妹，深受宅男粉絲愛戴。蔡嘉欣入行時已被爆有個出手闊綽嘅ibanker男友，Jumbo就話有追求者仍在了解中，鬥幸福蔡小姐似乎暫時跑出。

原文刊於《東方新地》

轉揸有米ibanker

蔡嘉欣為了以最佳狀態上鏡主持《姊妹淘》，早前在一個月內成功減了7磅，可見她非常重視演出機會。

蔡嘉欣最近狂POST與男友影嘅靚相，照片中他們非常享受二人世界，Kayan更大爆男友為與她更襯而積極減肥：「自從上年我參選港姐，佢被我刺激到好落力去做Gym，前後總共瘦咗20磅。有網民仲誇張到完全唔認得佢，以為我換咗男朋友！」

唔少女藝人都想釣金龜搏上岸做少奶奶，參加選美都係目標為本做跳板，26歲嘅蔡嘉欣(Kayan)入行已經係KOL，其社交網站上有超過10萬粉絲，但人紅是非多，去年選港姐已被網民爆黑歷史，指佢因拜金而拋棄舊愛結識有錢新歡，而該名ibanker男友為方便Kayan參選，喺將軍澳天晉租咗個月租近25,000蚊嘅單位，方便佢出入。

佢個ibanker男友張張相都係大側面，靚唔靚仔真係睇唔清楚囉!

Kayan去年參選港姐時被指拜金，舊愛是無綫藝人吳子沖，但她在網上走紅後嫌男方係奀星，便與對方分手再搭上現任ibanker有米男友。

據知Kayan同ibanker男友已拍拖三年，日前佢喺IG高調放閃，po出與男友搵專業攝影師所影嘅靚相，仲叫網民幫手讚佢男友靚仔，唔通係為影結婚相做定熱身?除咗晒仔，Kayan仲鍾意晒水著，早前身穿心口開窿嘅紅色泳衣，去酒店開P，疑似為男友慶祝生日，仲由早玩到晚，玩足兩日一夜。

其中一張靚相仲著住疑似婚紗，骨感十足的蔡嘉欣被網民指瘦到胸都冇埋。

日前蔡嘉欣喺IG上載多張泳衣照，雖然係一件頭，但心口開窿，性感又帶點神秘，再加上唔同嘅Pose，網友瘋狂留言大讚長腿最吸引。

網民留言指：「對腳冇得頂」、「睇到我流鼻血」。

睇返蔡嘉欣嘅IG Story，佢應該係喺酒店同男友慶祝生日，由早玩到晚，仲著晒浴袍，非常盡興。

大量追求者

日前係IG女神Jumbo曾淑雅29歲生日，《姊妹淘》一班好姊妹齊齊為佢慶生並送上運動用品做生日禮物。

男主持問Jumbo有冇異性為佢慶生，佢甜絲絲話有合適對象發展中。

好姊妹有著落，蔡嘉欣拍晒手祝Jumbo蜜運成功。

至於入行近十年嘅Jumbo曾淑雅，兜兜轉轉由網紅轉做電視，兩年前被影到與熟男蜜遊台灣，佢承認正在發展中，不過日前Jumbo29歲生日，成班《姊妹淘》姊妹送上禮物為佢慶生，Jumbo接受訪問時話依家有好多追求者，有合適對象正在了解中，不過仲未係男友，見佢甜絲絲含晒春咁，應該都好快成事。後生女有青春有本錢，揀擇啲冇壞嘅!

貴為網紅甜姐兒，Jumbo唔憂冇拖拍，佢話自己都29歲，都係時候搵番個Mr. Right.

Jumbo入行近十年，在社交網po泳衣照派福利已是家常便飯。

將來還有什麼演唱會值得留意？

有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！

香港有甚麼週末好去處推介？

香港18區都非常值得花時間好好探索，一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

關鍵詞

蔡嘉欣 jumbo 曾淑雅姊妹淘

資料或影片來源：原文刊於東方新地