奧斯卡｜谷德昭不滿《阿諾拉》狂掃5獎成大贏家 發文狠批：搔晒頭
廣告
《第97屆奧斯卡金像獎頒獎典禮》嘅各個獎項得主已經順利誕生，電影《阿諾拉》（Anora）一舉奪得五項大獎，包括最佳原創劇本、最佳導演、最佳剪接、最佳女主角及最佳電影，成為今屆嘅大贏家。不過資深導演谷德昭隨後就在社交平台發文，更直言對呢部電影成為大贏家「搔晒頭」……
谷德昭對直言對《阿諾拉》「搔晒頭」
雖然《阿諾拉》在奧斯卡上成為大贏家，但資深導演谷德昭就似乎對賽果唔太認同，更在其社交平台直率發文：「真係唔識欣賞，唔明點解周圍拍爛手掌，仲攞埋奧斯卡最佳電影、最佳導演、最佳原著劇本、最佳女主角，搔曬頭」、「套戲有咩大或小道理想講呢？我真係睇唔到」
谷德昭隨後更表示：「唯一諗到嘅得獎原因係，套戲拍咗幾嚿水美金，好抵拍，又係好獨立吓嘅獨立電影，大概係荷裡活資方的一聲悶哼，向收緊幾億幾千萬酬金的大支嘢台前幕後嘅一份致意，你哋班大卡士可以喫蕉了」。
谷德昭發文惹網民兩極留言
對於谷德昭嘅發文，唔少網民都留言發表意見：「最佳女主角嚟講，我接受嘅。最佳電影同導演呢，我覺得係過譽了」、「我見個個都讚，仲特登走去睇，但我睇完之後覺得有被搵笨嘅感覺」、「求戀期好啲」、「完全認同。其實作為一套打發時間嘅電影係冇問題，但係全年最佳，奧斯卡神壇就不了」、「非常認同，我以為自己唔識貨…..」
不過亦有人留言反對谷德昭嘅睇法：「谷導應該未提名過金像獎最佳電影及最佳導演，明嘅話一早入咗圍啦」、「大片至值得攞獎？好劇本比大製作大明星重要」、「谷導睇多啲全球影評，睇埋Sean Baker啲前作應有所領悟」、「我覺得呢套電影更加可以畀香港電影一個啟示，唔使套套都要有九龍城寨，破地獄咁嘅卡士或者資源，寫好啲個劇本，講好啲個故事都可以有出路！谷生你本身都係導演應該好明白導演嘅重要性！」
將來還有什麼演唱會值得留意？
有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：ig@anorafilm
