32歲吳若希「大媽廣告」慘變演藝污點 網民爆笑：金城安扮女人仲靚
廣告
TVB熱播劇《奔跑吧！勇敢的女人們》自播出以來收到唔少好評，當中蕭正楠、賴慰玲及吳若希落力派笑彈，令唔少觀眾都表示劇情輕鬆得嚟又夠曬好笑！而吳若希（Jinny）於第7集中嘅「seven大媽」造型以及勁洗腦廣告，更火速引起網民討論，搞到Jinny都忍唔住要出po自嘲……
奔跑吧勇敢的女人們｜吳若希自嘲「seven大媽」造型變演藝生涯污點
吳若希在《奔跑吧！勇敢的女人們》第7集中，為復出不惜拍攝破壞女神形象嘅廣告，更以娘爆金色假髮以及超老土懷舊造型，邊跳大媽舞邊數白欖式Rap。超爆笑廣告更獲同事表示：「真係唔可以錯過，真係好好笑」！
吳若希事後亦在社交平台分享「廣告照」，更無奈表示：「好少何希望大家唔得閒睇電視」、「我辛苦建立嘅形象⋯⋯唉～」Jinny更在訪問中直言：「呢個應該係吳若希出道以嚟最樣衰嘅造型」自嘲「seven大媽」造型變演藝生涯污點！
奔跑吧勇敢的女人們｜吳若希大爆拍魔性廣告1大挑戰
吳若希除咗爆笑表示「seven大媽」嘅廣告造型係出道以來最樣衰之外，亦在訪問中大爆拍攝該廣告時嘅1大挑戰：「我哋為咗拍呢隻舞，都喺古裝街拍足四個鐘架」，落足力為劇中魔性廣告放笑彈！
吳若希嘅魔性廣告就引來唔少觀眾大讚：「好好睇，有種傻氣您獨有」、「真係唔夠你玩！笑到肚痛！」、「呢個廣告應該真推出」不過亦有人直言周嘉洛於《愛回家》中嘅女裝更勝一籌：「金城安扮女人靚過你個廣告」，更獲吳若希親回：「唔準你咁講」
將來還有什麼演唱會值得留意？
有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：ig@jinnyng、TVB
