失婚陳貝兒走出失婚陰霾 40歲女強人享受單身

原文刊於《東方新地》

失婚陳貝兒有朋友不愁寂寞

日前就見到陳貝兒同兩位男性友人有講有笑現身銅鑼灣shopping。唔好諗多咗，呢兩位男士其實就係《嫁到這世界邊端》其中一對比利時 couple。一行人行完商場window shopping後再走去樓下日資超市掃貨，陳貝兒細心向外籍友人逐一講解每件產品，邊行邊傾得好開心！睇完鮮食同日式特產後，見到陳貝兒再買埋日本醬油同芥末，然後一臉滿足地行去cashier畀錢。一向鍾意煮兩味嘅貝兒，呢餐唔通掌廚做日本菜？

《嫁到這世界邊端》系列爆紅 40歲女強人起底

2017年陳貝兒開始為《嫁到這世界邊端》主持，有口碑已經播出三輯，同年卻爆出與結婚6年丈夫離婚，鏡頭前羨慕人家一雙一對，鏡頭後只能獨自落淚。回想這段6年情，陳貝兒表示因性格不合產生磨擦，是和平結束關係，絕對不涉第三者，而且彼此再見亦是朋友，現在非常享受單身生活，亦期待新戀情的到來。

陳貝兒條件甚佳，其實不愁沒有追求者，她是加拿大名校西門菲沙大學畢業生，回流香港成為了本地第一代娛樂主播，足跡遍布康城和威尼斯影展、奧斯卡頒獎禮和時裝周，非常厲害！她同時是佛光山星雲大師的皈依弟子，曾出版《娛是我聞》、《自在人生》等作品，多材多藝。也是個素食者，認為食素可以令她心境平和，忠於自己。如此高質美人，相信很快就有新緣份！