大叔的愛｜練美娟全靠黃德斌一句說話乖乖做聲帶手術找回靚聲

Q: 將來還有什麼演唱會值得留意？

有不少歌手宣布舉辦演唱會，小編為你整合了 香港演唱會+搶飛攻略一覽 ，包含各演唱會優先購票日期、公開售票日期、門票價錢、座位表等，想搶飛粉絲必定要留意！

Jul 13 2021

ViuTV《大叔的愛》進入結局周，劇中飾演賴嘉雯（Carmen）的練美娟（娟姐）亦人氣急升，她在劇中不停喪食，獲網民大讚演技自然又可愛，好有喜感，更封她做吳君如接班人！為拍《大叔的愛》，娟姐增磅不少，不過亦因為黃德斌一句說話，令她一言驚醒決定去做聲帶手術！

文：東方新地｜圖：練美娟IG及ViuTV劇照

黃德斌令娟姐「叮」一聲

娟姐練美娟原來因為入行做主持後，長期說話令其聲帶生了息肉，搞到有把豆沙喉，早前她做完手術休養了１個月，終於回復靚聲。日前娟姐在訪問中透露，全靠黃德斌一句說話，她才會的起心肝去做手術。她說：「係德斌推薦我，好記得有次佢好nice同大家一齊食飯，佢問我把聲係咪一直都係咁，我答佢以前唔係，係佢勸我整咗去，德斌話整咗會有更多可能性，嗰時我真係『叮』一聲，一位資深前輩同我講呢番說話，我真係唔知點解去咗做，好多謝佢提點，令我往後嘅主持同演員路更加闊！」

大叔的愛 — 黃德斌發現娟姐的聲音非常沙啞，勸她去進行聲帶手術。（圖片來源：娟姐IG）

學識保護聲帶

經過今次，娟姐才明白搵啱方法去養聲其實好重要，她表示休養期間學識了一些保護聲帶的小貼士，第一要多飲水，因為時刻飲水可以令喉嚨長期保持滋潤，咁就唔怕會聲沙。第二是搵出自己的聲音領域，每個人聲線不同，要靠自己搵出最舒服的方法去說話，雖然大聲講嘢唔代表冇禮貌，不過原來好易整傷聲帶。

練美娟為拍《大叔的愛》增磅4KG

今年31歲的娟姐（練美娟）27歲才正式入行，在入行後曾主持過不少ViuTV節目，包括《金剛旅神團》、《有酒今晚吹》及《造美人》等，以「大癲大肺」的個性加上火爆的身材，為觀眾所熟悉。

近日娟姐在ViuTV《大叔的愛》中飾演辦公室行政助理Carmen，是KK下屬、阿田和阿牧的同事，在劇中她除了不停喪食外，又有一幕以蒙古姑娘造型參加《全民造星V》選拔的劇情，並和楊偉倫飾演的平哥有感情線，獲網民大讚演技自然又可愛，好有喜感，指她有潛質做吳君如接班人！

娟姐透露她在劇中所有喪食場面都係「堅食」，仲因此增磅了3、4KG！她笑指自己不懂得如何「扮食嘢」，所以唯有真咬和真吞。她又解釋自己之前打過Office工，大概知道辦公室八婆係點樣，因此才能演繹得比較傳神。

娟姐半年零收入慳錢住劏房

娟姐本來做開穩定的Office工作，為圓演藝夢而入行，為了追夢她曾試過半年零收入，面對租金及養狗等重大開支，只能靠積蓄及家人支持來度過，但娟姐並未氣餒，她直言每行都會有高有低，因此她選擇搬入劏房來縮減開支，只為等一個機會。

網民：好開心你終於捱出頭來﹗

被封「翻版吳君如」

練美娟父母都是印尼華僑，幼時她隨父母回流香港，曾修讀浸會大學傳理系，讀書時期已參與過Now TV節目《18/22》，畢業後她做過電影、娛樂、廣告等公司，2017年開始正式為ViuTV擔任節目主持。因在節目中「大癲大肺」的形象，令網民封娟姐為翻版吳君如，但她卻自言從未想過行搞笑路線。

因在節目中「大癲大肺」的形象，令網民封娟姐為翻版吳君如，但她卻自言從未想過行搞笑路線。（圖片來源：娟姐IG）

娟姐早前主持的《金剛旅神團》收視大捷，在節目中她以和金剛不時出位「互窒」，而令觀眾留下深刻印象，搶鏡程度比起一眾索女也毫不輸蝕。 — 娟姐主持《金剛旅神團》不時和金剛出位「互窒」，令觀眾留下深刻印象，搶鏡程度比起一眾索女也毫不輸蝕。（圖片來源：ViuTV）

娟姐在節目中衣著不算性感，但也有浸溫泉鏡頭，展露出豐滿身材。（圖片來源：ViuTV）

金剛最近回復單身，娟姐與他曾在節目中表現充滿默契，但當被問到與他有否發展機會時，她表示兩人只是朋友關係，更直言：「佢唔係我鍾意嘅類型，我鍾意大隻仔！」（圖片來源：娟姐IG） — 娟姐在節目中與金剛表現充滿默契，問到她的擇偶條件，娟姐話同金剛只能是朋友關係因為：「金剛唔係我鍾意嘅類型，我鍾意大隻仔！」（圖片來源：娟姐IG）

不覺得27歲入行太遲

大學修讀傳理系，入行前做過電影、娛樂、廣告公司，練美娟或者天生應該吃這行飯，因為工作也認識不少圈中人，ViuTV更一早向她招過手，可惜當時因種種原因未能合作，直到《Girl’s talk》的監製聯絡她，便決定在27歲那年入行，比起同台很多小花年長，終於在30歲之齡以個性跑出，並自信道：女人30歲後散發的光芒更勝從前。

練美娟一點也不介意公開踏入三十大關，笑言現在才是自己最美好的一刻，相信女人在三十歲以後能散發出更美好的光芒。 — 練美娟一點也不介意公開年齡，笑言現在才是自己最美好的一刻，相信女人在三十歲以後能散發出更美好的光芒。（圖片來源：娟姐IG）

娟姐除了識品酒外原來仲入得廚房，曾親自為愛犬炮製狗蛋糕，她笑言原本自己想當減肥餐幫手包底，但因整得太出色，被狗狗食清光。 — 娟姐除了愛品酒外原來仲入得廚房，曾親自為愛犬炮製狗蛋糕，她笑言原本自己想當減肥餐幫手包底，但因整得太出色，被狗狗食清光。（圖片來源：娟姐IG）

娟姐親解小三傳聞認與肥仔同年同月出世啱嘴形

早前肥仔前女友「阿芬」在facebook留言：「對不起﹗我已和梁業分開了…因了解而分開，其實也算是感情路上最好的結果，我倆彼此也會在心裡互相好好祝福。」肥仔與初戀女友分手一直未有回應，今日有傳媒聯絡到肥仔，他以私人事為由唔回應。

對被指成為小三嫌疑，娟姐回覆時表示是七師傅在節目中爆肥仔對佢有意，自己唔知道是否屬實，31歲娟姐與肥仔同年同月出世，娟姐直認不諱同肥仔啱傾，因為肥仔人見人愛，人人都會鍾意佢，不過又指肥仔對每個人都好好，笑言依家肥仔單身，娟姐會feel吓肥仔係咪對佢有意思。

又問到肥仔係咪娟姐喜歡的類型，娟姐坦言鍾意另一半幽默同多嘢講，仲有要大隻過自己，娟姐笑指這些擇偶條件，肥仔的確符合，笑言大家咁啱key等肥仔追佢喎！

七師傅話要撮合娟姐同肥仔一早洩露玄機

事後有網民回憶之前七仙羽七師傅上ViuTV的節目醉酒後想幫肥仔搵女朋友，才驚覺分開原來早已有先兆。七師傅早前在《晚吹─今晚有酒吹》被娟姐爆料：「七師傅上次話要介紹位李先生畀我識，到依家都未有，仲未找數！」在旁的七師傅被娟姐質問，表現淡定話已經搵到適合對象介紹給娟姐，娟姐反問：「吓！你搵咗喇！你自己搵到，但唔話我知，哈哈哈！」

七師傅讚娟姐係單純潘金蓮找數撮合同ERROER成員 — 娟姐聽到七師傅已為她找到合適的對象，原來是ERROR的肥仔，感到相當驚喜！（圖片來源：ViuTV）

七師傅繼續氣定神閒話：「我搵到喇，吖！嗰個咩，嗰個ERROR個肥仔，一個武大郎，一個係潘金聯（蓮）（指住娟姐）一個單純嘅潘金蓮、一個專一嘅潘金蓮！」全場爆笑指未聽過潘金蓮可以用「單純」來形容。

七師傅揚言：肥仔hold（吼）住娟姐好耐﹗

強尼笑住話：「娟姐肯做潘金蓮，但係肥仔未必肯做武大郎！」七師傅立即解答：「問咗肥仔意願喇，喺化妝間﹗肥仔佢一早Hold（吼）住咗好耐，不過呢排佢好忙，日日都唱歌，忙住唱〈呢啲（lady）Killer〉，所以冇時間去識女仔！」七師傅定睛望住娟姐胸部話：「肥仔留意咗你好耐，見到你覺得你幾好，肥仔都有意思，因為肥仔嘅搵錢能力高！」大家笑到收唔到科。由此可見七師傅極有可能早已知肥仔分手一事。