大叔的愛｜簡慕華陳年教育電視短片翻hit 網民大讚仙氣十年如一日

文：東方新地｜圖：簡慕華facebook、教育電視截圖

《大叔的愛》簡慕華因為黃德斌接劇

《大叔的愛》是簡慕華離巢無綫後再接拍的劇集，簡慕華17年離巢無綫並秘嫁圈外男友，婚後移居加拿大，今年初受ViuTV邀請拍攝《大叔的愛》，簡慕華因劇本及對手吸引，唔介意接受21日隔離回港拍劇﹗《大叔的愛》簡慕華與黃德斌結婚廿年，一直恩愛如昔，卻因飾演田田的Edan介入二人婚姻而要離婚﹗

現年44歲簡慕華在《大叔的愛》演技大有發揮，人氣急升，連多年前為香港電台拍攝的教育電視短片被翻hit，1998年在香港科技大學物理系畢業的簡慕華在片中示範「靜電吸塵」的實驗。被網民大讚「素顏好索」、「真係好似王菲」、「仙氣十年如一日」、「點解可以冇變樣？」、「以前有氣質依家增添咗女人味」、「如果佢係我Miss我一定會攞A」、「把聲好嬌嗲好好聽」

簡慕華教育電視片：

簡慕華老公陪返港拍《大叔的愛》

簡慕華今年2月回港拍攝《大叔的愛》，接受完21日隔離後，出關即出席《大叔的愛》記者會，近月並為劇集出街做宣傳。簡慕華指好開心老公可以遙距工作，故今次陪她一起回港，簡慕華又指會做埋《大叔的愛》宣傳才返加拿大，所以這段時候若然有其他工作都會接。

大讚有足夠時間準備及休息

無綫近來大改革，並邀請舊將回巢，問到簡慕華有冇接到邀請？簡慕華直指沒有被邀，再被問到有否觀看無綫大改革後的綜藝節目，簡慕華直接話冇：「想睇啲自己想睇嘅嘢先囉﹗」簡慕華又指今次《大叔的愛》合作愉快，大讚幕前幕後都好好，指自己被照顧得好好：「有足夠時間準備同休息，令我可以喺每一場戲都有時間去諗點演﹗」

簡慕華結束與無綫17年賓主關係

簡慕華2000年選港姐，雖然三甲不入但簽約做無綫藝員，拍過好多劇集，雖然做閒角，但演出機會不斷，更加是金牌監製戚其義愛將，二人傳緋聞傳足多年，外間一直認定二人係一對。17年簡慕華拍完《超時空男臣》後結束同無綫的十七年賓主關係，離巢但未有跟任何電視台合作。

簡慕華秘婚近一年

簡慕華離巢大半年未有更新社交網，18年2月於微博及IG上載跟圈外老公的合照，並留言話：「We do. We did. Forever and always.」（無論過往及將來，我們一直相愛），見二人情深對望，勁SWEET！據知簡慕華早在17年離巢無綫後便秘嫁圈外老公，而老公係佢嘅中學同學，二人早年在敍會碰頭撻著！秘嫁近一年才公布喜訊，貫徹其低調作風﹗

簡慕華曾經係金牌監製戚其義愛將，二人也傳緋聞多年，本刊也多次拍得二人密會，但一直為當時人否認！

二人經常出雙入對，不過簡慕華話佢哋係Friend，對於緋聞會一笑置之，而且簡慕華嘅老公都認識戚其義！

簡慕華科大畢業 選港姐入行

在科技大學物理系畢業的簡慕華，當時投考空姐做咗一年地勤，於2000年參加港姐，但決賽止步，當年的冠軍是劉慧蘊、亞軍是簡佩堅、季軍是劉嘉慧，拍過好多劇集，多做閒角，直至演出《金枝慾孽貳》同《心戰》等劇做女配角，演技備受讚賞。而17年2月拍完無綫劇《超時空男臣》後決定離巢。