大叔的愛｜混血徐㴓喬Asha曾為「廢青」發聲炮轟無綫 鬧爆王晶「有樓成功」論

文：東方新地｜圖：徐㴓喬IG、YouTuber影片截圖

《大叔的愛》演中法混血妹妹

《大叔的愛》演中法混血妹妹「梓芊」的徐㴓喬，本身是居港英菲混血兒，自小在元朗居住讀本地學校，講得一口流利廣東話，徐㴓喬是一名YouTuber，兼任模特兒，在16年加入ViuTV。

《大叔的愛》徐㴓喬入行第二部劇集

《大叔的愛》是徐㴓喬Asha入行第二部劇集，加入ViuTV前，徐㴓喬十來歲已拍片上YouTube，令她爆紅的是，五年前拍片狠批無綫節目《網絡挑機》以介紹香港YouTuber為名，實質踩低YouTuber，其中一集請來王晶做嘉賓，王晶以買到樓才叫成功的言論令徐㴓喬火起，拍片鬧爆TVB同王晶﹗

王晶在《網絡挑機》質疑一眾YouTuber賺唔到錢，買唔到樓，並指買樓是成功指標，其後又在微博留言指自己「20歲成名，22歲買樓，25歲做導演，紅足四十年」，批評年輕人：「你哋唔鍾意買樓可以繼續瞓帳幕，吹得我漲咩﹗」

徐㴓喬反擊王晶：「點解買車買樓著名牌先叫成功？」

徐㴓喬Asha在片中反問王晶：「點解我哋一定要賺好多錢先叫成功，有車有樓有名牌先叫成功？我覺得可以做自己鍾意嘅嘢，已經好成功﹗最少你將來睇番你唔會後悔去做你想做嘅事，至少你嘗試過或者會失敗，總好過你連試都冇試過﹗徐㴓喬Asha又批評TVB只為一小眾觀眾服務，製作永遠只得一個框架，她以英國BBC做例子，指BBC都會開設YouTube channel去吸納不同類型觀眾，並會和英國YouTuber合作，兩方可以和平共處，以帶不同類型娛樂給觀眾。

Asha又指：「有人會係咁踩YouTuber拍啲片好無聊，你哋知唔知YouTube吸引之處就係有好多不同類型嘅娛樂，電視台冇得畀你自由選擇，知唔知唔係好多人想睇明星做戲，YouTuber好似你個朋友咁，拍啲片令你開心，大家可以互補唔使排除對方﹗《網絡挑機》節目度TVB話自己有社會責任，喂﹗社會唔係得一種人，點解唔可以畀多啲選擇人呢，外國電視show會有不同類型，有諷刺政府，唔好淨係得一種fomula囉﹗」

徐㴓喬鬧爆TVB：「拍個節目去踩香港YouTuber﹗」

Asha再鬧爆TVB：「TVB拍個節目出嚟扮探討香港YouTuber生態，其實係踩，到最後係講自己間公司幾咁勁，你哋點拍都拍唔到啲咩出嚟同TVB鬥﹗」

徐㴓喬反王晶撐廢青

Asha再為「廢青」發聲並發起 「The Success Project：Hong Kong」計劃，徵集了130個來自世界各地人士對「成功的定義」，去回應王晶的買樓先成功的言論﹗有人直接回應王晶：「你（王晶）係香港人，我都係香港人，但你唔係我唔好代表我﹗」、「我哋唔係廢青，我哋只係除咗錢仲有其他嘢想追求」、「無樓唔係廢青，無理想先係廢青」，130個來自不同地方的人講完成功定義後，Asha說自己的成功定義係「照顧好自己五隻貓」﹗

徐㴓喬16年加入ViuTV主持過兒童節目《快樂童盟》、《兩面不是人》、《Girl’s Talk》、《老幼鬼鬼》以及近日播出的《妳想生活》，16年首次拍攝《迷失假期》之後便是《大叔的愛》。Asha在《大叔的愛》鬼妹仔的樣卻說得一口流利廣東話，臉孔新鮮，演技卻不生澀，令人留下深刻印象﹗

徐㴓喬多謝《大叔的愛》全crew

徐㴓喬出post多謝《大叔的愛》台前幕後人員：「終於都等到《大叔的愛》，又興奮又緊張。諗返起拍攝嘅日子，我真係好鍾意成對(隊)crew。估唔到四年前第一次拍劇，四年後可以再一齊做嘢！見到熟面口真係令到我冇咁緊張，有種好有緣份嘅感覺。新識既又玩得又笑得，好多謝你哋﹗Thank you for taking care of all of us.《大叔的愛》香港版，幕前幕後都好有愛。希望大家鍾意！嚟緊幾個星期嘅夜晚，等我哋嚟陪住大家」

ViuTV近日播出的《妳想生活》，徐㴓喬有份做主持﹗（圖片來源：《妳想生活》截圖）