唐詩詠被指佛偈回應馬國明新戀情 黃翠如：「呢兩日不停咁俾人整喊你」

原文刊於《東方新地》

33歲的湯洛雯與46歲的馬國明被爆新戀情，兩人凌晨齊齊在IG甜蜜張貼「獨角獸挽着白馬」公仔相片公開戀情，公司同事對此消息都紛紛送上祝福，兩位主角人緣極佳，有派心心的包括高海寧、陳敏之女、陳煒、黃翠如、苟芸慧、李施嬅、鍾嘉欣、蔡思貝、莊思明、莊思敏、呂慧儀以及岑麗香等等，唯獨一直以「契哥契妹」相稱、關係噯昩的39歲唐詩詠未有參與其中。

唐詩詠：「自己是是自最大的敵人」

唐詩詠在事件翌日晨早開工拍攝新劇《超能使者》期間，就以張貼了一幅佛偈「長輩圖」，內文如下：

不甘被屈 ：「你們也不能理所當然」

由於佛偈是一種很玄的東西，無端端出沒在唐姨心底，仲要貼埋出嚟，難免被媒體捕風捉影按圖索驥，猜測係用作「回應」契哥戀情，不過相關報導刊出後，唐詩詠似乎不甘被曲解，留再度張貼Story譴責媒體「作古仔」⋯⋯

抽空推介好姐妹新劇 黃翠如留言：「呢兩日不停咁俾人整喊你」

其實唐詩詠最近投入拍攝新劇《超能使者》飾演異能人，但都不忘為好友黃翠如宣傳新劇《那些我愛過的人》，黃翠如就感性留言「呀，太甜了啦，你呀，唔好整喊我啦⋯⋯⋯ 咁呢兩日不停咁俾人整喊⋯⋯你呀」不停咁被人整喊嘅，到底係黃翠如定唐詩詠，實在好難理解，不過有網友就表示，大家都被「方樂汶」（黃翠如劇中角色）整喊咗。

重溫：38歲唐詩詠回頭箝46歲馬國明 無懼疫症連日密會遭斷正

甩姣心穎封視帝的馬國明如今脫胎換骨，契妹唐詩詠亦對他另眼相看，無綫罕有筍盤當然要箝實，現在先識貨都未遲，二人最近密會次數激增，《東方新地 》記者今年初在疫症高峰期間，目擊馬明與唐詩詠外出做運動 後，由唐詩詠揸馬明車返香閨，另一日馬明又車載唐詩詠去買 貓抓板，在疫情嚴峻下仍然隨傳隨到陪到實：

馬國明搣甩姣穎有運行 契妹唐詩詠在旁扶持

馬國明因「安心事件」因禍得福，撕破黃心穎真面目後忍痛分 手，整個人醒神晒，仲識開竅成功爭取視帝，所有運返晒嚟。早前黃心穎被斷正與RubberBand成員泥鯭（黎萬宏）去海怡工廈搜購狗用品，前度釣泥鯭，馬明亦不愁寂寞，回復單身十個月，一直有契妹唐詩詠在旁扶持，近月兩契兄妹更過從甚密，關係之親密前所未有。

姣心穎釣回復單身泥鯭 齊齊買狗用品

指專搞人夫的黃心穎，日前被影到與RubberBand成員泥鯭一齊去買狗用品，更有傳去年盛傳上姣心穎寓所的商台DJ，其實就是貌似林海峰的泥鯭。事後黃心穎解釋因收養了唐狗而搵有經驗的泥鯭幫忙，而泥鯭則澄清與未婚妻結唔成婚，現時單身。

連日接送唐詩詠 一架車兩份揸默契十足

有個錫到自己燶的契哥馬明，唐詩詠當然會好好利用，今年二月，記者平日下午3時半左右目擊，馬國明由屋企太古城駕車前往唐詩詠位於清水灣半島的寓所樓下，未幾戴住口罩包到冚的唐詩詠跳上車，前往坑口村後，她落車去寵物店買了一塊貓抓板，相信是買給她的新寵小貓蛋蛋，而馬明一直留在車等她，之 後馬明送唐詩詠返家，放好東西後二人再同車外出。

另一日黃昏6時左右，本刊記者見唐詩詠揸住馬明的Benz 返回清水灣半島，她下車後馬明即返回司機位，自駕返太古城。現場所見，唐詩詠與馬明默契十足，看來一架車兩份揸並非第一次，而馬明更熟練地為唐詩詠遞上一個裝住外賣小食的紙袋，彼此關係盡在不言中。這日馬明在停車場泊好車後，一身運動打扮的他表示最近因新型肺炎肆虐， 與唐詩詠及黃嘉樂等人一齊做運動打發時間，更表示因順路而車載契妹，叫大家不要誤會。

馬國明親自回應：唔好諗咁多

記：你有鄰居確診新型肺炎，見你仲頻頻出街？
馬：都唔驚嘅，做足防禦措施，戴口罩同勤洗手，用酒精搓手液，唔去太多人嘅地方ok 嘅！

記：今日你約唐詩詠去邊？
馬：哦！今日我哋去咗做gym，因為黃嘉樂搵到個健身地方好少人好清靜，所以我哋約埋一齊去做gym。

記：見你哋呢排見得好密，詩詠仲揸你架車喎！
馬：純粹做運動，唔好諗咁多啦！

記：但係你仲成日做司機管接送？
馬：都係一齊去食飯，順路兜埋佢啫！

其實馬明家住太古城，與唐詩詠寓所相距甚遠， 連日車出車入看來絕對不是順路呢！