星夢變天周柏豪慘變人球 終獲CEO何麗全接見

文：東方新地 ｜圖：新傳媒圖庫、周柏豪instagram

星夢變天 慘變人球

一朝天子一朝臣，曾志偉上場後，余詠珊被削權，老公何哲圖更敗走收場，留低一班星夢歌手處境危危乎，當中為賺人仔而不停改變立場的周柏豪最受關注。周柏豪在07年加盟華納唱片後歌唱事業一帆風順，更在14年的《叱咤樂壇流行榜頒獎典禮》中首奪「叱咤樂壇男歌手金獎」，風頭一時無兩。17年選擇轉投星夢做「一哥」，銳意進軍內地賺人仔。但周柏豪立場不停改變而飽受抨擊，更被本地粉絲割席、內地網民又不賣帳，連番做錯決定變成兩頭唔到岸！今次星夢變天，他選擇留在無綫同何哲圖決裂，有傳未獲新老細何麗全接見，而慘變人球，睇嚟周柏豪想博翻身都唔係咁易。

網友幸災樂禍：抵X死！

周柏豪慘變人球，觸發網友熱烈討論，紛紛在社交平台留言：「除咗抵X死之外我都唔知可以講咩好」、「仲未習慣兩邊不是人咩」、「買大開細呀，今次仲唔仆X」，更有網友用「太監論」作比喻：「明朝時，因為有人見太監搵到錢，於是自閹諗住入宮發財，點知太多人咁做，皇宮爆咗quota」，周柏豪被網民瘋狂圍剿，一發不可收拾！

何麗全特赦有彎轉

不過，本周二(2/3)何麗全被正式委任為星夢娛樂CEO後，即放風有彎轉，接受傳媒訪問時更表示星夢歌手將繼續獲力捧，連日來又與無綫另一高層樂易玲逐一接見星夢歌手，何麗全說：「我第一個係見柏豪，大家無分彼此。」又表示會將周柏豪、吳若希等歌手推向音樂更高層次，明顯要穩定軍心。