周星馳7次入圍僅1次拎影帝網民嘆《功夫》拎唔到最可惜 當年輸畀佢

周星馳《少林足球》首封帝擊敗《瘦身男女》劉德華

2002年，周星馳終於憑自導自演的電影《少林足球》再次獲得金像獎影帝提名，當年擊敗《男人四十》張學友、《瘦身男女》劉德華和《藍宇》的胡軍、劉燁，獲得第21屆香港電影金像獎「最佳男主角」，並獲得「最佳導演」和「傑出青年導演」等獎項。

2大巨星為其頒獎 重溫當年真摯感言

2002年周星馳憑《少林足球》奪多個重要奬項，頒獎嘉賓們每位均為影壇巨星，其中有：

張國榮、張敏儀頒發「傑出青年導演」；
梅艷芳、梁家輝頒發「最佳男主角」；
陳果、陳可辛頒發「最佳導演」；
楊紫瓊· 鄒文懷頒發「最佳電影」。

入行22年終於獲得金像獎影帝的周星馳上台領獎時相當興奮激動，尤其在得到影帝獎座時，周星馳的感言最為真摯，先感謝同時入圍影帝的4位對手，繼而逐一感謝給予自己每一個第一次機會的監製和導演：

多謝學友哥、華哥、劉燁同胡軍。容許我嚴肅少少講幾句說話，我都要講㗎喇，因為第一次啊嘛。我攞呢個講都想多謝一啲人嘅，首先就係已故嘅李小龍先生，因為當期時我非常迷戀佢嘅電影，跟住立志想成為一個演員；

跟住就係無綫電視訓練班嘅老師，佢哋係第一個話俾我聽乜係演技。跟住就係監製林麗真小姐，第一次俾機會我參演電視兒童節目，多謝監製劉家豪先生俾我演出我第一個電視古裝劇，多謝李修賢先生俾我第一個大熒幕嘅電影，仲有萬梓良先生、李力持先生同埋吳孟達先生，係你當年對我喺演出上嘅鼓勵同啟發，多謝大會，多謝廣大觀眾，多謝。

周星馳《功夫》大熱倒灶失影帝 竟輸畀呢位好兄弟！

2005年第24屆香港電影金像獎，周星馳帶住巔峰之作《功夫》強勢歸來，不僅打破各項票房記錄，更橫掃了金像獎16項提名。當日功夫確實斬獲了很多獎項，（最佳電影係《功夫》 梁朝偉、張曼玉擔任頒獎嘉賓），但偏偏最具份量的最佳男主角、最佳導演竟冇份，令網友相當失望！

最終爾冬陞憑《旺角黑夜》獲得最佳導演，而最佳男主角獎則是被好兄弟梁朝偉《2046》拿下。如今仍有不少網民對賽果議論紛紛，覺得《功夫》周星馳最值得拎多一次影帝！

周星馳7屆金像獎提名紀錄

周星馳《賭聖》首獲「最佳男主角」提名

周星馳在1991年憑電影《賭聖》首次獲得金像獎「最佳男主角」提名，不過就不敵當年《阿飛正傳》的張國榮。次年，周星馳就再憑《逃學威龍》獲提名，不過同樣空手而回，輸給同年憑《雙城故事》的曾志偉。周星馳在往後幾年均憑《審死官》、《國產凌凌漆》和《西遊記第壹佰零壹回之月光寶盒》三套電影入圍影帝，但依然鎩羽而歸，分別輸給《92黑玫瑰對黑玫瑰》的梁家輝、《重慶森林》的梁朝偉和《女人四十》的喬宏。