少林女足｜周星馳公開招募靚女 胡杏兒林熙蕾爭報名 日本代表有「佢」自薦！

更多：少林女足｜蔡思貝拍片引周星馳關注 純白泳衣look勁養眼獲讚

周星馳列5大條件公開招募開拍《少林女足》

周星馳昨日（22日）於自己61歲生日，喺IG曬出寫上「2023-0622」嘅《少林女足》劇本，仲留言列出5大條件公開招募靚女：「今天我只有一個願望，就是能與 一大群不同國籍、年青貌美、身材標緻、天資聰敏、體能出眾的靚女，一起共渡難忘時光，人數不拘，多啲嚟密啲手，我無懼人山人海，只怕妳未夠風彩！」最後仲話嚴禁P圖：「P圖造假絕不會得逞，我們團隊不會答應！國際社會更不會答應！」

人妻女星爭住留言 Coffee、胡杏兒都報名

雖然周星馳講明要「年輕貌美」嘅靚女，但唔少人妻女星都無視星爺要求，紛紛留言報名，其中包括胡杏兒、陳敏之、林熙蕾、Coffee、孫慧雪等。Coffee仲留言話連擔擔抬抬嘅角色都照殺：「除咗年輕貌美，有無d搬搬抬抬嘅角色？我體能岩駛喎星爺」

年輕貌美女歌手踩過界 連TVB奀星都報名

除咗一班人妻女星雀躍留言之外，雲浩影、J.arie、顏卓靈等幾位女歌手都踩過界報名應招，雲浩影仲留言指：「本人骨格精奇，跪求一個打雜嘅機會！」關嘉敏同莊思明等TVB女藝人都有報名。為咗得到星爺青睞，關嘉敏更不顧形象，留言直指自己有香港腳：「生日快樂，星爺！岩哂。少林女足，我有香港足！」

日本代表有「佢」！

今次星爺講明要「不同國籍」，日本女優浜崎真緒都有留言報名：「日本代表。我準備好了」。網民都即刻留言支持：「我最期待的人物出現了」、「如果你有演這部電影的話我一定去看」等。

日本知名女優浜崎真緒熱愛香港文化

日本知名女優浜崎真緒今年29歲，她由18歲已開始加入女優行業拍攝相關影片，一開始卻不敢跟家人表明自己的職業，直至2014年家人才得知她成為了女優，並慢慢接受。目前浜崎真緒與SOD有合約在身，而她在性方面都抱開放及樂觀的態度，更直言最愛「不倫戀」，認為這種「禁忌之戀」都相當刺激。女優浜崎真緒早前更突襲來港，仲專程去到「姜濤灣」打卡！

近年轉戰兼任DJ

浜崎真緒在IG上都收獲不少Fans的喜愛，至今有逾34萬的追蹤者，不時都會在IG上大放性感相以及拍攝時的花絮片段。近年除了做女優外，她更向DJ之路出發，以「DJ Mao」的身份在各大場所進行音樂活動，近日來港正正是為了「SPACE MUSIC FESTIVAL」的活動做嘉賓，而她出演的場次為4月30日的18：30。

突襲尖沙咀街頭

早前已經來到香港的浜崎真緒，身穿白色裇衫以及黑色開叉長裙，腳穿Air Jordan 1經典「Black Toe」，再加上俐落的啡金頭髮，現身突襲尖沙咀街頭，利用位於清真寺對面的彌敦道牌打卡留念，並寫上「In Hong Kong」的字眼，有網民都笑問她：「有去找彌敦道九號做頭髮嗎？」。

Post「阿嘿顏」照片

跟住浜崎真緒更在IG上post出「阿嘿顏」的照片去預告自己來港，之後更於1881 Heritage大玩「腿張開」，並寫下自己未來數日在香港以「DJ Mao」出席活動的資訊，親民地用白話寫下「我等你呀。記得嚟搵我啦。」網民睇完之後都笑稱：「到底香港有咩吸引佢嚟？」，有網民就回應指「$30蚊戲飛」。

見姜濤電視屏幕興奮到跳舞

最近一個Story則見浜崎真緒到「姜濤灣」，在慶祝姜濤4.30生日的大電視屏幕前，手舞足蹈地紮紮跳，一邊跳仲一邊嗌住姜濤個名，仲Tag埋姜濤，睇得出非常興奮！