周啟生爆粗還擊要用3指彈琴挑機林家謙?903雲妮疑幫口鬧周啟生係Hater
周啟生 爆粗鬧林家謙粉絲
63歲的周啟生除咗係著名作曲家顧嘉煇的徒弟,更係曾為多首膾炙人口歌曲操刀作曲及編曲的資深音樂人。周啟生日前在Facebook發起了一個「你最唔要聽到佢唱歌嘅歌手!」討論,其中一位網民點名林家謙,隨即得到周啟生回應話:「嗰條廢青我都麻麻哋鍾意!」網民再留言:「佢返去做幕後我冇問題㗎。」周啟生進一步表示:「又唔見佢幕後有咩條件!」有網民就反駁指他都係一條「廢老」,並問他:「廢青喺紅館開過七場演唱會,你呢?」
![周啟生 周啟生早前亦曾連環炮轟陳蕾的表演「離晒譜咁走音」,並質疑她「彈結他甩皮甩骨」。(圖片來源:FB@周啟生 Dominic Chow)](https://imgs.nmplus.hk/wp-content/uploads/2024/08/453304774_1043251871140536_8550852521097499924_n_194049178466b2a33418437.jpg)
不滿被「Timable」指中三學歷
事件引起廣泛討論,周啟生在留言區爆粗鬧:「林家謙有班好X戇X嘅盲迷走入嚟,冇料扮四條!林家謙,你班擁躉真係戇X!洗乾淨個屎窟等住俾我踢啦!你咁鍾意佢出多幾個post去愛慕佢啦!哈哈大笑。」又補充指:「完全唔入流一個所謂音樂人,我唔覺得我鬧佢唔起!何況冇鬧過!」之後周啟生再專程出po以李小龍的照片作配圖,發長文解釋自己爆粗原因:
首先我要講:好多朋友都問我點解今次用嘅態度咁強硬,甚至講粗口?因為今次嘅情況真係有啲特殊。如果大家曾經去過另外嗰幾個轉發咗我個post嘅post睇吓,你會發現成班唔講道理嘅仆街冚X剷,好似一群癲狗,有目的同埋組織咁圍住我嚟咬。我毫無保留,亦冇選擇,所以我無餘地咁樣同呢班仆街開火!
《不畏強權,
唔怕惡勢力
你夠膽嚟我夠膽同你開拖!》人人都有權講自己想講嘅嘢
今次來自一個朋友,佢話唔鍾意林家謙,我亦都+1句呢條廢青我都唔係好鍾意!
熟悉我嘅人都知我成日都叫我自己做80年代70年代嘅廢青代表,
想搞事,唔該躝X遠啲!
我鍾意講乜,我就講!
喺我自己地頭,就算行到出街,我都唔會怕你哋!
講開又講,輪到我講吓對呢條友嘅感受:
唱歌超級雄壯/咬字清晰/好有氣/但係天生太靚仔。彈琴簡直係低班馬,佢夠膽我收埋一隻手同佢一齊彈一隻歌!
我講得出口,我唔會收:
X你唔起呀?
我幾X時變咗中三學歷??
原來社交網專頁「Timable」設計了一幅對比圖,比較周啟生和林家謙的年齡、學歷、過往經歷和所得獎項等,其中一句「#中三程度」似乎令周啟生十分不滿。
![周啟生 除了在留言區反駁網民,周啟生更特別出po解釋自己為何爆粗。(圖片來源:FB@周啟生 Dominic Chow)](https://imgs.orientalsunday.hk/wp-content/uploads/2024/08/02_98230374466b45285ae08e.jpg)
反駁「文人多說話」:Joey Tang係我帶佢出身嘅
另外社交網專頁「文人多說話」開po討論周啟生以「廢青」形容年輕歌手實屬無禮,亦引來周啟生不滿,指責這個專頁的版主「喺背後搞咗我好耐!」並貼出以一張發文截圖,其中版主以長文介紹周啟生以住的「豐高偉績」,最後批評他:「你每次都出嚟以權威身份話啲人技術唔好,人哋都唔係賣你高舉嘅技術,你不如去講吓Joey Tang、徐日勤、單立文、Jason kui嗰啲就好明確啦,而家歌手同作曲人唔係考樂理標準試喎,林家謙又唔係要賣高八度聲樂,又唔係hard rock,人哋都唔係你嗰類高端樂手型。」
對此周啟生反駁:「Joey Tang係我帶佢出身嘅,徐阿勤係我師弟,Sin立文都係好早期幫過我喺錄音室彈嘢,全部都係我輩分以下嘅!如果我喺度講一聲,Joey Tang有領導才,彈結他有天份,但係欠缺努力,所以唔會好叻!你哋可以同返佢講、睇吓佢敢唔敢博我!」並再次強調:「人人都可以有自己嘅意見,嗰條咁嘅廢柴,我收埋隻手用三隻手指彈琴彈得好過佢啊!好嘅作品欠奉!哈哈大笑。」
903雲妮疑鬧周啟生係Hater
有網民發現著名商台DJ雲妮(Vani)亦有為這件事發聲,直言:「他是一個hater!!鼓吹仇恨,網絡欺凌,根本不值得也不應該報導,因為這不是大家要關注的娛樂新聞。」引來不少網民讚好:「連雲妮姐姐都忍唔住,講得好!」、「太好有人出聲」、「好認同」、「說得好」、「連佢都忍唔住」等。
![周啟生 雲妮主持商台節目多年,與不少樂壇前輩歌手相熟,亦十分支持一眾新一代歌手。(圖片來源:IG@vanijerjer)](https://imgs.orientalsunday.hk/wp-content/uploads/2024/08/vanijerjer_1700319193_3238834604554963677_310816_188657636066b44e443c216-853x1024.jpg)
將來還有什麼演唱會值得留意?
有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!