31歲吳若希慘成「失竊界KOL」 1個月內連環被偷嘢頹到爆

吳若希無奈公開cctv

吳若希日前在社交平台分享了一張CCTV截圖，圖中顯示一名戴帽男子手持一個手提袋，拍攝地點看似是商場內部。吳若希在限時動態中寫下了自己的無奈和憤怒：「我今年條命係咪要keep住畀人偷嘢？今次影到邊個偷～來回兩次先嚟攞走…Any肥（無論如何），希望幫你過咗呢個難關先，祝你食得開心。」原來是一個月內再度遭遇失竊事件，令吳若希頹爆出post。

吳若希極大方原諒偷竊者

吳若希的限時動態引起了不少網民的關注，隨後吳若希再發布了另一則帖文，親解今次被偷的是價值200港元的栗子，並表示：「尋晚最唔開心嘅，唔係俾人偷嘢，係食唔到自己心心念念嘅栗子」不過在吳若希再次購買兼食到栗子後，就選擇原諒那個偷栗子的人，更自嘲地說已經當是請那個人食。而吳若希大方的反應亦獲網民大讚：「日行一善」、「下次見面每人送一包栗子比你」、「心態好好，值得學習！」

31歲吳若希北上嘆世界開心晒靚相 極水腫出鏡遭狠批：進化失敗咗？

現年31歲的吳若希（Jinny）自2017年與圈外男友拉埋天窗後，更先後誕下1子1女，婚後生活可謂十分幸福美滿。早前吳若希就帶一對仔女快閃廣州，心情靚爆嘅Jinny仲喺社交平台大派靚相，不過以極水腫出鏡的Jinny似乎嚇親網民，仲被唔少人質疑係唔係再進化，搞到本尊火速上水回應……

吳若希極腫出鏡引熱議

吳若希早前在社交平台上分享自己快閃廣州，除了大派同美食的合照外，更配文寫道：「開估～帶左（咗）對仔女快閃廣州融創！但對於我嚟講，最精彩唔係玩～係食！」不過網民的關注就落咗喺吳若希的極水腫的「新樣」上：「點解塊面咁膠嘅」、「完全唔同咗樣變咗另一個人咁喎」、「進化失敗咗？」、「有啲似恐怖片劇照」、「塊面打咗咩？成個麵包超人咁…..」

網民：邵音音模仿大賽

對於吳若希的突然「變樣」，不少網民就認為係再「進化」惹的禍，不少人更連環將佢認錯：「以為係王子涵」、「唔同咗嘅！有點兒似譚嘉儀！」、「車婉婉你好」、「以為楊紫瓊」、「邵音音模仿大賽」等。更有網民以謝安琪早年的面部狀況作為例子，直指吳若希的面腫是因為「打咗針」。

吳若希火速上水回應「進化」疑雲

對於網民一面倒的負評，吳若希就火速上水回應：「女人總有幾日都會腫啲嘅～過幾日食返啲清淡嘢自然就會好㗎」，大方回應網民熱議的「進化」話題！不過向來吃得開嘅Jinny一於懶理，尋晚返到香港即刻出新po，話自己終於可以休息吓，只係希望今日唔好有任何人任何動物任何電話任何事嘈醒佢，實行好好「避世」叉電。

吳若希換手機即「報復式自拍」

吳若希早前於電視城遺失手機，遍尋不獲，最後被迫換新手機，出新機之後決定「報復式自拍」，由3月尾開始每天更新紀錄生活日常，根據佢嘅講法係「今日開始連續一個月日更，逼自己勤力d，用盡d個新電話」

由於承諾日日都要出Po，似乎難以保持狀態，要維持靚樣不變，這個「日更30天挑戰」去到第8日已經貼錄音室生瘡相，第10日更加出現「面腫自拍」嚇壞網民⋯⋯