吳若希自爆去飲做天價「人情」極豪爽出手嚇窒網民
廣告
唔少人對出席婚姻時要做幾多「人情」，以及對「人情」公價都有唔同意見。近日前微辣成員霍哥就在社交平台發文問網民去飲會做幾錢「人情」，隨即引來唔少人留言討論，就連吳若希都現身留言區自爆會封幾錢，極豪爽出手更震驚唔少網民！
霍哥開po求做人情「指南」
霍哥近日以「香港朋友結婚，想問吓你哋做開幾錢人情？驚香港澳門唔同價」為題，向網民諮詢香港出席婚姻到底應該封幾錢「人情」，唔少網民都搞怪留言表示：「有氣勢嘅男人至少8888」、「香港唔洗俾錢㗎，帶個禮盒就可以，香港人最鍾意金莎，藍罐曲奇」、「唔熟8000， 熟嘅80000， 家人800000」等。
吳若希自爆去飲做天價「人情」
而霍哥嘅帖文更引來吳若希都留言：「普通朋友大概8000～ 熟果啲萬零兩萬左右～」對於吳若希超豪爽嘅出手，唔少網民都忍唔住爆笑留言表示好想做佢朋友：「我好需要呢啲咁大方嘅朋友」、「估唔到妳咁幽默」、「早知嗰時請你去飲啦」、「大家都想做你朋友，爭住請你飲」！
將來還有什麼演唱會值得留意？
有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：TVB資料或影片來源：ig@jinnyng、threads@jeffreyfok_224、ig@jeffreyfok_224
