吳若希寸老公當自己係狗 大肚把口繼續唔收
廣告
麻煩人妻吳若希，結婚三年經常鬧爆老公Alex（何兆鴻），老公打機、講電話、玩手機做咩都唔滿意，將老公剷上天，當正老公係自己奴隸一樣，家陣陀仔更加大晒， 日前老公陪佢出街食飯，又將自己比喻為狗，又話老公要去Hand Hand都會咁話！大肚把口繼續唔收。
原文刊於《東方新地》
現年28歲的吳若希，負評早就一大籮，對住老公一樣冇面比，經常小題大做，近月新冠肺炎疫情留家安胎的她，老公難得和她外出吃晚飯，她又發文自喻係狗，話聽到有得出街勁興奮，仲話老公叫佢HandHand都會。
吳若希寸老公家常便飯
早就寸老公當家常便飯的吳若希，近期不時晒出大肚寫真，不過早前晒相之餘，她又寸爆老公掛住傾電話：「何生跟他的電話恩愛了一整晚，我跟我的肚子搏鬥了一整晚！然後我默默在我的手機search離婚方法，看了發現過程那麼繁複，那還是算了！
又tag話「叫你手機幫你生兒子」，將自己當成女皇高高在上，老公做咩都錯！
貼出老公相片祝賀張寶兒生日
諗嘢永遠騎呢過人嘅吳若希，日前自己結婚周年，這日咁啱是張寶兒生日，她竟然貼出老公相片祝賀Bowie生日，連張寶兒都忍唔住抵死留言問佢，「做咩鋪你老公個樣嚟賀我！」「以後我每年都會收到這樣的祝福嗎？」
真係人哋唔話你都唔好意思啦！
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
資料或影片來源：原文刊於東方新地
