正印Fafa終極交代婚姻裂痕 網民鬧爆開地圖炮連累小薯茄

人夫道歉哀求挽回婚姻 被質疑公關操作？

健身教練老婆fafa接受老公同吳泳道歉，事件似乎完結，不過發生咁大件事，網民猜測正印會唔會真心原諒壞咗嘅老公，破鏡重圓，網民持不同意見：「個女似好愛個男 直覺似會原諒佢」、「佢自己都俾人火燒連環船，道德高地都守唔住，唔原諒可以點？」、「諗返起自己以前都係咁感同身受」，亦有人已經懷疑老公呢段道歉疑似是大婆自己公關操作，好讓自己攞下彩，最後復合收場。

網民猜測健身教練夫妻99%復合

另一方面，有人表示：「咁都唔離婚，都話左大婆會心軟」、「唔離婚正契弟」，網民因此建議：「唔好分。放出嚟害其他人」、「有夫妻相，99%復合」。

大婆262字交代最新安排

老婆fafa中午再發長文回應感受：「再也不見。多謝鼓勵我既朋友，幫我去鬧賤男同小三既朋友，多謝陪我48個鐘不眠不休既朋友，多謝知道更多內情既時候，更加為我心up而心痛你既人。如果唔係你地，我真係會委屈死。心理同生理都支持唔住，我唔想打搞到你哋，但你哋誓願陪實我。

她再講：「我真係好感動希望可以企反身，美好人間再走一回。網上既野、過眼煙雲、加加減減、真真假假、多不勝數，大家都有自己既事要handle，我地小市民既事不足為奇但好多謝同感動，陌生人既善意，善良同擔當，買少見少，係一份愛同鼓勵」。

大婆fafa出面維護犯錯老公：你係我親手揀

最後，大婆fafa出面維護犯錯老公：「至於我哋之@williamt_wbffpro你係我親手揀無血緣關係既親人。我公開陪你由因到果 我就知尼件事係我承擔緊，你最緊要好男人/自律 既形象，玩左甘耐，後果要承擔，好好做個人，做有擔當、責任心既人Bye bye」。

網民鬧爆正印開地圖炮連累小薯茄

帖文一出，網民似乎不滿意當初正印開地圖炮連累阿冰同小薯茄，現在賺了關注度後閃身離場：「你收皮啦，你累到呀冰同小薯茄呀，道左歉未呀？你」，網紅Matt Leung亦寸爆「離婚先講」。

其他留言：「細思極恐:平凡咗一世 改變唔到老公出軌嘅事實 沾下小薯茄嘅光 賺完流量 多咗幾萬follower 走先😋😋😋之後做KOL見」、「Yeah 小薯茄比你利用完去增加曝光度去X出軌男後，呢家就可以直接say byebye而咩都唔洗理～真爽」

正印道德高地守唔住？有傳於2016年曾經墮胎

有網民認為正印道德高地守唔住，皆因回顧FaFa戀愛史充滿爭議。有傳於2016年曾經未婚大肚及墮胎，網民多圖指出FaFa同前度關係混亂！另傳FaFa在過去也曾經介入William與前女友的關係，並迅速從健身教練的身份轉變為男朋友。

大婆帶孱仔前度去做Gym 結果自己搭上教練

網民整合時間線指出：「大婆話同賤男一齊7年，2025-7=2018；2018年9月仲出post同ex（孱仔男友）去做Gym一齊上賤男堂，當然你可以揀信佢一齊唔夠7年，吹到夠7年，或者9月上堂即刻分手，過埋冷河潛心向佛六筋清淨守身如玉到2018年12月31號先同賤男正式開始」我就信2018年未分手已經flirt緊，而家睇對狗男女食回力鏢」。

網民紛紛表示：「當年俾綠帽孱弱男友戴 而家被老公綠返轉頭」、「果然 他朝君體也相同喺真嘅」、「食得學生一次就有第二次啦」、「健身圈真亂」、「7年前個孱弱男朋友終於報到仇啦」

大婆支持小薯茄：只有健身偷食二人組應該要道歉

FaFa在社交媒體上公開了一系列證據，並詳細揭露了事件的內情。她指出，自己在發現丈夫不忠後，感到極度震驚和心碎。FaFa表示，她支持小薯茄的聲明，認為此事與其他成員無關：「見到聲明，好支持。本身係觀眾到認識你地，係一種緣份亦係幸運，因為你地真係人好好 無架子 好貼地，而且係你地身上好多觀眾都快樂。尼件事完全唔關其他人事，只有健身偷食二人組應該要道歉」。

吳泳向大婆道歉

在事件發酵過程中，FaFa多次在社交媒體上發文，批評吳泳和William的行為，並強調他們的自私對其他人造成了影響。「自私到為左性愛x3 唔理後果 辜負所有支持你哋既人 影響人地。對我更加…講唔落去 #親身經歷的痛 #親眼看見的震撼」。

最終，吳泳透過WhatsApp向FaFa道歉，承認自己的錯誤並表達了深切的後悔：「對不起，這件事我真的做錯了。我非常後悔，對你所造成的傷害，我做甚麼也無法彌補。但是我很想誠懇地向你道歉，真的很對不起。我保證以後不會再跟他有任何接觸或聯絡，對不起。」

大婆：你下次俾人捉到姦，快啲著衫走

FaFa回覆：「我哋已經被你哋破壞咗。一個家，就係咁散。 你下次俾人捉到姦，快啲著衫走，唔好再瞓喺人哋度。你家姐都好慘，你累埋佢。你自己幫返佢啦，佢帶你嚟健康唔係帶你嚟搞三搞四。你哋直頭將健身混淆咗」。