吳彥祖變三棲藝人 唔只拍戲玩賽車 做埋建築系大學教授嚇親學生
文：東方新地｜圖：《吳彥祖的速度之旅》授權圖片、IG@thatdanielwu、IG@thelisa_s、IG@fungblackandwhite、《回憶潛行》海報
吳彥祖 羨慕郭富城做賽車手
吳彥祖與太太Lisa、女兒Raven自2015年搬回美國生活，因為疫情關係，近年他未能返回香港工作，但與此同時，卻令他重拾對賽車的興趣，甚至成為了職業賽車手。他說：「其實我一直好鍾意賽車，好羨慕郭富城、爾冬陞、方中信、錢嘉樂，但以前住香港，冇機會接觸，又唔熟悉呢個範疇，直至搬返美國，可以揸自己車去真正嘅賽車場玩，之後就諗，仲有咩進步空間呢？最後決定去比賽。」
一切由零開始
由藝人變成賽車手，吳彥祖一切由零開始，好友馮德倫得知他的經歷，於是提議幫手拍片紀錄他的轉變及比賽過程，並找來擔任《林書豪Linsanity》紀錄片導演Evan Jackson Leong幫手，製作成《吳彥祖的速度之旅》（Journey to Speed）紀錄片。
總成績排第2位
吳彥祖續說：「今年參加咗6場團體賽，暫時我哋總成績排第2位，希望可以一直保持，同埋以我咁新嘅車手，可以攞到呢個成績算好好。另外年底會跟隊友參加一個叫做『Thunderhill Raceway』嘅賽事，需要連續25小時不停去比賽。希望大家睇完呢套紀錄片，可以見到另一面嘅我。」
指太太騎馬更危險
問到賽車有一定危險，太太Lisa可有反對聲音？吳彥祖表示：「其實賽車係快，但唔算危險，起碼我車有防滾架、有頭盔、有頸箍保護，相比Lisa騎馬，得個頭盔、跳馬完全冇保護，所以Lisa冇特別意見。」
唔想隔離21日
問吳彥祖何時才會回港拍戲？廣東話有冇退步？他說：「如果有戲拍我會返嚟㗎！但我驚自己接受唔到一個人喺酒店留21日，所以可能等多一年，唔使隔離我就會返嚟。其實依家比賽有另一隊對手，佢哋係香港人，雖然我哋係敵對，但我一見到佢哋就好開心，因為可以同佢哋講吓廣東話，平時就真係冇乜機會講，所以唔多唔少都冇喺香港嘅時候講得咁好。」
撈埋大學教授
吳彥祖除了專注做幕前工作兼玩賽車之外，原來最近更獲美國知名學府「Parsons School of Design（帕森設計學院）」邀請做講師為學生上課。雖然學生們未能見到偶像真人，但透過電腦屏幕見到吳彥祖對自己講書，學生們都大為震驚，當中更有不少學生偷偷地地將吳彥祖講書的畫面拍低分享至社交平台，不少網民都留言「這輩子第一次這麼想聽課」、「這門課我能拿滿分」。
吳彥祖攞過「奧斯卡」
其實吳彥祖畢業於美國奧勒岡大學（University of Oregon），而且成績優異，中學生時期已經奪得加州建築大賽亞軍。早年更拍攝內地真人騷節目《漂亮的房子》盡顯功架，成功將河北木蘭圍場翻新改造成為一間可以居住的公共圖書館，並命名為「木蘭坊」，而「木蘭坊」更入圍有「建築界奧斯卡」之稱的英國皇家建築師學會獎，並順利奪得「紅點最佳設計獎」，難怪有不少網民都笑稱他的演藝工作才是副業！
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
