吳剛師傅被爆造假？歐錦棠親試滾油取物真相真·心口碎大石令馮寶寶受傷

Q: 將來還有什麼演唱會值得留意？

有不少歌手宣布舉辦演唱會，小編為你整合了 香港演唱會2025一覽 ，包含各演唱會優先購票日期、公開售票日期、門票價錢、座位表等，想搶飛粉絲必定要留意！

Sep 3 2024

歐錦棠近年經常在其YouTube頻道《乜乜棠水舖》大爆娛樂圈秘聞，在他的最新影片中，他就回顧了90年代電視台經常在慈善騷中見到的一些亡命演出，並揭露了其中的祕密，包括「東華常客」吳剛師傅的「滾油取物」及「心口碎大石」等表演。

歐錦棠揭祕吳剛師傅滾油取物真相

講到「東華常客」吳剛師傅其中一項著名表演「滾油取物」，歐錦棠踢爆原來是掩眼法，當年吳剛師傅徒手從滾油中取出金元寶，並當場喝下一小杯滾油，曾經睇到電視機前的觀眾嘩嘩聲，不過歐錦棠就話竅妙是在油中加入白醋或者米醋。歐錦棠解釋：「因為醋沸點低過油好多，亦都低過水，浮咗喺油嘅面，一陣間好快會有泡泡，就以為好熱好滾
，就畀人一種好似好滾嘅感覺。」

吳剛吳剛師傅曾在1991年《東華》表演從滾油中取出一個又一個金元寶，又示範飲滾油。（圖片來源：YouTube@乜乜棠水舖 The Stephen Au Show） — 吳剛師傅曾在1991年《東華》表演從滾油中取出一個又一個金元寶，又示範飲滾油。（圖片來源：YouTube@乜乜棠水舖 The Stephen Au Show）

吳剛歐錦棠自己都試過在亞視台慶表演叠磚和拋磚，但所謂的「磚」其實是木塊。（圖片來源：ouTube@乜乜棠水舖 The Stephen Au Show） — 歐錦棠自己都試過在亞視台慶表演叠磚和拋磚，但所謂的「磚」其實是木塊。（圖片來源：ouTube@乜乜棠水舖 The Stephen Au Show）

用煮食煲親手示範滾油取物

歐錦棠更「以身試油」，用煮食煲親手示範「滾油取物」，片中可見其手指確實可以掂到煲中加了白醋的油，但他強調仍有一定的風險，呼籲觀眾不要嘗試模仿。此外他又講到吳剛師傅曾試過「空手煮魚」，用氣功將魚煎熟，他直言這表演也有竅妙，就是劏走魚的內臟後，在裡面加裝一條發熱線，連接藏在護腕中的電池，這樣一按掣條魚就會出煙。

吳剛歐錦棠「以身試油」（圖片來源：YouTube@乜乜棠水舖 The Stephen Au Show） — 歐錦棠「以身試油」（圖片來源：YouTube@乜乜棠水舖 The Stephen Au Show）

吳剛仲爆埋吳剛師傅嘅「空手煮魚」都係造假。（圖片來源：YouTube@乜乜棠水舖 The Stephen Au Show） — 仲爆埋吳剛師傅嘅「空手煮魚」都係造假。（圖片來源：YouTube@乜乜棠水舖 The Stephen Au Show）

爆心口碎大石用真麻石

而另一個亡命表演「心口碎大石」，歐錦棠就話係用真麻石，因為曾有人試過用硫酸溶石代替麻石，但因腐蝕程度不一，既有一定危險，又怕石太脆未扑便碎令場面尷尬，但扑石就要由專人負責：「你見唔會係藝員揸鎚，揸鎚撲嗰個係師傅出嚟，因為佢哋識得用鎚嘅力。」

吳剛 1995年，馮寶寶曾以「小白龍」造型挑戰「心口碎大石」表演，當時由歐錦棠擔任司儀。（圖片來源：YouTube@乜乜棠水舖 The Stephen Au Show） — 1995年，馮寶寶曾以「小白龍」造型挑戰「心口碎大石」表演，當時由歐錦棠擔任司儀。（圖片來源：YouTube@乜乜棠水舖 The Stephen Au Show）

馮寶寶慘被斷肋骨

歐錦棠憶述1995年亞視台慶期間，馮寶寶（Bobo姐）曾表演「心口碎大石」，當時由他擔任司儀：「通常扑一下就開，但當時扑咗兩嘢都未開，你完成唔到件事會好瘀，咁我就話︰『再嚟得唔得呀？我哋整多下啦！』師傅可能情急下就大力咗啲。Bobo姐就話『阿棠，整蠱我？』但結果真係碎咗，事後佢話畀我聽佢斷咗條肋骨，陰功，睇咗好耐醫生！」

吳剛雖然受傷，Bobo姐仍即場做出扮鬼扮馬表情，非常敬業。（圖片來源：YouTube@乜乜棠水舖 The Stephen Au Show） — 雖然受傷，Bobo姐仍即場做出扮鬼扮馬表情，非常敬業。（圖片來源：YouTube@乜乜棠水舖 The Stephen Au Show）

吳剛師傅非第一次被爆造假

網民睇完片都諗起吳剛師傅已非第一次被指表演造假：「吳剛師傅嘅另一個好出名嘅表演就係食炭，不過記得表演完第二日就俾報紙踢爆佢食嘅唔係炭，而係芋頭」、「以前週刊有踢爆過吳江用果D係科學油，沸點係60度，食炭其實係燒燶嘅薯仔嚟」，但網民仍大讚：「吳剛師傅真係好正」、「雖然好多都係掩眼法，但以當年嚟講都可以做到好強烈嘅視覺效果」等。