叱咤2024｜一文看清7大花生位！阿正自肥失敗反應兩極

叱咤2024｜1. Tyson Yoshi「巨胸」震撼全場

今晚《叱咤樂壇頒獎典禮2024》在7點半開始，每位歌手都盛裝出席。上年已經大曬事業線的Tyson Yoshi，今晚直程「半裸」出場，大曬Underboob加腹肌，震撼全場眼球！

叱咤2024｜2. 林海峰轉頒新人獎 大唱破地獄南音

每年都負責頒「我最喜愛」獎項系列的林海峰，今年轉頒新人獎。林海峰一出場後就大唱《破地獄》南音，改詞改得超抵死，不但將何太的「你同我柒街瞓」改成「你同我柒新歌」，又將《呃錢》的Baby Face扮入歌詞，超爆笑。

叱咤2024｜陳建安表演網民反應兩極

陳建安（On仔）今晚憑《戀愛腦之死》獲得「專業推介叱咤十大 第九位」。On仔演唱《戀愛腦之死》的時候出盡全力，不過網民其表演反應兩極，有網民覺得On仔發揮超班，亦有網民認為On仔「做多咗」：「On仔穩到」、「一秒入到狀態好勁」、「安仔高音炒炒地」、「唱得太high有少少走火入魔 把聲失控飄飄地」、「唱到好誇張，太油膩」等。

叱咤2024｜4. Kiri T爆喊表演大炒車

Kiri T在2019年入行，今年憑《至少做一件離譜的事》第一次獲得叱咤獎項「專業推介叱咤十大 – 第五位」。Kiri T一上台就即刻忍唔住爆喊，喊到頭半首都唱唔到，全場就即刻幫忙大合唱。Kiri T到最後都冷靜下來，繼續超水準發揮。

叱咤2024｜5. 雲浩影撒嬌冧死網民

接著「專業推介叱咤十大 – 第四位」就由雲浩影憑《回憶半分鐘》獲得。上台之前就已經女神般登場，上台後講到不足三句就被播歌Cut感言。雲浩影即刻撒嬌話「未得啊，未講完啊」，冧死全場觀眾加一班網民！

叱咤2024｜6. 黃偉文冧莊 發表疑似「有骨」感言

今年黃偉文再次冧莊奪《叱咤樂壇填詞人大獎》，每年都會拍片發表感言的黃偉文，今年都不例外。黃偉文今年繼續感謝大家的支持，感言中更似乎暗串《聲生不息》，指節目唱佢嘅作品，但係永遠都無寫填詞人：

「其實我唔一定要再攞呢個獎架喇，就算我喺台下或是遙遠的地方，但我都會攞曬我自己出嚟，奉獻俾我心愛嘅廣東歌。不過，就算我個人攞唔到呢個獎，但我都希望我啲作品可以繼續喺呢個頒獎禮舞台上面出現，因為至少喺呢一度，我嗰名係可以喺個字幕到出現嘅。大家好，我係其中一個心愛香港嘅廣東歌填詞人，我個名叫做黃偉文。」

叱咤2024｜7. 阿正自肥失敗 被嫌太長氣

今年「叱咤樂壇女歌手」由阿正負責頒獎，阿正在正式頒獎之前，講足10分鐘，其中不斷拿Tyson Yoshi的性感造型開玩笑，之後又扮跌親想搏YT一攬，但YT堅持唔掂阿正，搞到阿正自肥失敗。

不過今次阿正在頒獎前講足10分鐘，令不少網民都嫌阿正太長氣，對一班想講感言的歌手不公平；不過亦有網民認為阿正搞氣氛一流，好笑而不尷尬。

叱咤2024｜同場加映：鄭秀文重奪「叱咤樂壇我最喜愛的女歌手」

今年「叱咤樂壇我最喜愛的女歌手」由時隔24年再奪獎此獎項的鄭秀文。Sammi時隔多年之所以會選擇再次踏足叱咤舞台，是為了感謝給自己投票的一眾網民。鄭秀文穿上24年前穿過的鮮紅戰衣，邊唱《我們都是這樣長大的》登場，雖然聲沙沙的鄭秀文表現稍微失準，但全場歌手和觀眾都睇得好開心。鄭秀文感言完畢之後，大家更起立拍掌，場面非常感動！