叱咤2023｜阿正SOLO表演棟篤笑 獲網民大讚精彩有望做林海峰接班人

阿正「癦癦送」惹全場爆笑

阿正周不時都會爆下金句，昨晚她在叱咤台上單人匹馬上陣，在頒發叱咤男歌手獎項前先跟台下的男歌手互動一番，還自備道具，將她在Edan的《Again!》MV造型中的一粒癦拿出來，率先「攻擊」好友Edan：「為你帶來今晚獨家嘅服務，『癦癦送』！我諗底子好嘅人一定carry到，百大型男一定carry到喇掛！」百大型男排72位的Edan，都忍不住畀個手指公！隨後，阿正將焦點集中在Tyson Yoshi的低胸造型身上，不忘其「痴女」形象馬上露出J到出血的表情，在Edan「神助攻」之下更馬上爆肚形容對方「胸懷大痣」，甚至還扮嬲說「pan落少少喇cam man！」阿正見到Jeffrey亦不放過他要求抱抱：「咦，好多人呀！永遠都係咁心急呀！」

阿正鬼馬取笑張敬軒

即使面對樂壇前輩，人稱「軒公」的張敬軒，阿正開的玩笑都啱啱好，雖然將張敬軒出道的時間由22年講錯做21年，但她都冇騰雞，更搞笑調侃對方一番：「哎呀，唔好意思我出世就聽《酷愛》，數漏咗少少哈哈哈哈！」她更隨後多謝張敬軒為今次頒獎典禮的付出鬼馬的張敬軒雖然扮作生氣，但張敬軒身旁的林家謙、許廷鏗、陳柏宇等一眾歌手個個都聽到笑呵呵，證明了其實這個玩笑一點也不過份：「所以如果你唔記得留自己嘅演唱會飛都好，叱咤飛永遠都會留畀你㗎，軒公多謝你！」令張敬軒感激萬分。

阿正BB聲多謝尹光

鏡頭一轉去到79歲的尹光身上，面對低自己49歲的樂壇大前輩，阿正竟然用BB聲講嘢：「輩份好高嘅，我哋終於叫佢做『光B』，hello！」她多謝尹光為樂壇不斷付出堅持到底，一句「多謝晒光B」，已經贏得眾人的掌聲。

網民大讚阿正表現有水準

阿正叱咤單人匹馬講棟篤笑的環節，成功得到網友的好評：「阿正口齒伶俐，喜感十足」、「你好勁呀！嗰part咁長妳carry得好好，咬字清楚、節奏同氣氛都好好」、「喂，阿正很可以！好過森美歷年加埋！」、「正姐好嘢！呢part好好睇、好好笑，你介紹得好流暢」等。甚至乎有網友形容阿正絕對有潛質成為林海峰的接班人，擔任叱咤之後的壓軸棟篤笑環節！Edan在慶功宴上亦再次與阿正，以及「癦癦送」合照留念，雖然於IG講明是「報復post」，但實質上是大大力支持好友：「一早話定我知份稿有我叫我要畀反應，估唔到竟然係癦癦送，梗係難唔到我呢個百大型男！我特登keep住粒癦㗎，正姐係好嘢嘅，個talk好得！」

阿正IG發文自爆緊張到有晚失眠

阿正完騷後亦在IG發表感受：

今年叱咤主題係多謝，所以奴撈同急姐叫我度一part多謝男歌手，落台同大家互動嘅talk。講真，勁緊張，緊張到有晚失眠，知道再唔度好啲稿，失眠嘅狀況只會繼續惡化，於是凌晨起身諗講咩，度到朝早9點，見肚餓就叫咗個麥麥送早餐食，就係咁寫咗「癦癦送」😂

要喺男歌手身上搵唔同嘅特色去讚：Edan嘅幽默，Tyson Yoshi對MV嘅執着，軒公事事認真，光B永不言休，Jeffrey親力親為，唱片公司全力支持，當然唔少得Ian嘅用心唱作。自己寫完稿，都覺得咁多位歌手真係好厲害，佩服

雖然已經綵排過好幾次，但出場前仍然緊張到六親不認 多謝所有同事力撐，特別多謝奴撈同急急嘅陪伴同comment，同埋Elsie全方位情緒支持，903果然是個有愛的大家庭

2024年1月1號，由感恩出發
多謝你睇我，多謝你聽我
多謝你講我，多謝你唱我

阿正大學放棄讀law

現年30歲的阿正，A-Level考獲2A2B1C的佳績，不過卻放棄讀法律系，最終入讀香港中文大學新聞與傳播學院，並獲得獎學金，是確確實實的高材生。其後阿正於畢業後加入DBC數碼電台擔任製作助理，其後獲賞識加入商台，從此展開她的DJ生涯。 從一開始叱咤903主持，到近年走進電視界，拍攝ViuTV《膠戰》成其中一位主持。形象越來越入屋的她，除了有最近播出的《膠戰S3》人氣再獲加持外，更涉足多一瓣，開咖啡店榮升老闆娘。影視電台都做出成績的阿正，原來當年亦為追夢放棄家人為她安排的路，最後更因為爸爸一句話而堅持自己的夢想。

棄讀法律系 爸爸初時非常反對

阿正自小便是電台的忠實聽眾，立志要做DJ，即使高級程度會考中考獲2A2B1C的優異成績，但都堅持「做DJ」的目標，放棄修讀爸爸建議的法律系，最終選擇修讀中文大學的新聞與傳播學系，畢業後便加入DBC數碼電台做製作助理，直至2016年電台結業。雖然阿正爸爸對阿正的決定感到不滿，經常在她面前指做電台不能賺錢，沒有法律系有「錢途」，但阿正爸爸都會主動收聽女兒的電台節目，默默支持。她曾於《偶像名人堂》說：「佢之前都係公務員，所以佢覺得我做公務員梗係好啲啦，我係好驚，因為講咗好多年，但我同佢講我好想入903，已經決定咗。」